സംസ്ഥാന സര്ക്കാരിന്റെയും കായിക വകുപ്പിന്റെയും അവഗണനയില് മനംമടുത്ത് കായികതാരങ്ങള് കൂട്ടത്തോടെ കേരളം വിടുന്ന സംഭവത്തില് അടിയന്തിര ഇടപെടല് ആവശ്യപ്പെട്ട് മുഖ്യമന്ത്രിക്കും കായിക മന്ത്രിക്കും കത്ത് നൽകി; തുറന്നടിച്ച് പ്രതിപക്ഷ നേതാവ് വി ഡി സതീശൻ
സംസ്ഥാന സര്ക്കാരിന്റെയും കായിക വകുപ്പിന്റെയും അവഗണനയില് മനംമടുത്ത് കായികതാരങ്ങള് കൂട്ടത്തോടെ കേരളം വിടുന്ന സംഭവത്തില് അടിയന്തിര ഇടപെടല് ആവശ്യപ്പെട്ട് മുഖ്യമന്ത്രിക്കും കായിക മന്ത്രിക്കും കത്ത് നൽകിയെന്നു പ്രതിപക്ഷ നേതാവ് വി ഡി സതീശൻ .അദ്ദേഹത്തിന്റെ വാക്കുകൾ ഇങ്ങനെ;
കേരളത്തിന് വേണ്ടി മത്സരിക്കുന്നതും സ്വന്തം നാട്ടില് ചുവടുറപ്പിച്ച് നില്ക്കുന്നതും അഭിമാനമായി കാണുന്ന കായിക താരങ്ങളെ സംസ്ഥാന സര്ക്കാര് അപമാനിക്കുന്നത് അംഗീകരിക്കാനാകില്ല. രാജ്യത്തിന് വേണ്ടി മെഡല് നേടിയ കായിക താരങ്ങള് ഉന്നയിക്കുന്ന പ്രശ്നങ്ങള് സര്ക്കാര് ഗൗരവത്തോടെ പരിഗണിക്കണം.
രാജ്യത്തിന്റെ തന്നെ അഭിമാനമായ മലയാളി കായികതാരങ്ങള് സംസ്ഥാനം വിട്ടുപോകുന്ന സാഹചര്യം ഒഴിവാക്കാന് സര്ക്കാരിന്റെ ഭാഗത്ത് നിന്ന് സാധ്യമായ എല്ലാ നടപടികളും സ്വീകരിക്കണം. സര്ക്കാര് പ്രഖ്യാപിച്ച ജോലിയും പാരിതോഷികങ്ങളും ഉടന് നല്കാനുള്ള അടിയന്തിര ഇടപെടല് ഉണ്ടാകണം.
https://www.facebook.com/Malayalivartha
