നരേന്ദ്രമോദി സർക്കാരിന്റെ SVEP പദ്ധതിയിൽ കേന്ദ്രസർക്കാർ പ്രതിനിധിയെ ക്ഷണിക്കാത്തതിലും , നോട്ടീസിൽ പ്രധാനമന്ത്രിയുടെ ചിത്രം പോലും ഉൾപ്പെടുത്താത്തതിലും പ്രതിഷേധിച്ചു കൊണ്ട് തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് പങ്കെടുത്ത പരിപാടിയിൽ പ്ലക്കാർടുകൾ ഉയർത്തി പ്രതിഷേധിച്ചു. ചെറുകിട സംരംഭ മേഖല ശക്തിപ്പെടുത്താന്‍ കേന്ദ്രസർക്കാർ കുടുംബശ്രീ മുഖേന നടപ്പാക്കുന്ന SVEP ( സ്റ്റാര്‍ട്ടപ്പ് വില്ലേജ് എന്റര്‍പ്രണര്‍ഷിപ്പ് പ്രോഗ്രാം) പദ്ധതിയിൽ കേന്ദ്ര സർക്കാർ വിഹിതം 60% കേരള സർക്കാർ വിഹിതം 40% കൂടി ഉൾപ്പെടുത്തിയാണ് പദ്ധതി നടപ്പിലാക്കുന്നത്.

പദ്ധതിയുടെ ഉദ്ഘാടനം നിശ്ചയിക്കുന്നതിനായി സംഘടിപ്പിച്ച സ്വാഗത സംഘ രൂപീകരണ യോഗത്തിൽ ബിജെപി ജനപ്രതിനിധികൾ കേന്ദ്രസർക്കാരിനെ പ്രതിനിധീകരിച്ച് കേന്ദ്ര മന്ത്രിയെ പങ്കെടുപ്പിക്കണമെന്ന് ആവശ്യപ്പെട്ടുവെങ്കിലും ബ്ലോക്ക് പഞ്ചായത്ത് പ്രസിഡന്റ് വളരെ ധാർഷ്യത്തോട് കൂടിയിട്ടുള്ള പെരുമാറ്റവും, പങ്കെടുപ്പിക്കേണ്ടത് ആരെയാണെന്ന് എന്ന് അവർക്ക് അറിയാം എന്നുള്ള ധിക്കാരമായിട്ടുള്ള മറുപടിയാണ് ബ്ലോക്ക് പ്രസിഡന്റ് നൽകിയത്.

ഇതിൽ പ്രതിഷേധിച്ചുകൊണ്ടാണ് ഭാരതീയ ജനതാ പാർട്ടി നേതൃത്വം നൽകികൊണ്ട് നേമം ബ്ലോക്ക് പഞ്ചായത്തിൽ ഉൾപ്പെടുന്ന കല്ലിയൂർ, പള്ളിച്ചൽ, വിളവൂർക്കൽ, മലയിൻകീഴ്, ബാലരാമപുരം, വിളപ്പിൽ , മാറനല്ലൂർ തുടങ്ങിയ ഏഴ് ഗ്രാമപഞ്ചായത്തിലെ ജനപ്രതിനിധികളുടെ പ്രതിഷേധം ആർത്തിരമ്പിയത്.
പ്രതിഷേധത്തിൽ കല്ലിയൂർ ഗ്രാമ പഞ്ചായത്ത് അംഗം പൂങ്കുളം ബിജുവിന് പരിക്കേൽക്കുകയും നേമം താലൂക്ക് ആശുപത്രിയിൽ ചിക്തസ തേടുകയും ചെയ്തു.