സിപിഎമ്മിനെയും കോൺഗ്രസിനെയും വിമർശിച്ച് ബിജെപി സംസ്ഥാന ജനറൽ സെക്രട്ടറി എം ടി രമേശ്‌. പാലസ്തീൻ വിഷയം ഉയർത്തി മതധ്രുവീകരണത്തിനുള്ള ശ്രമമാണ് ഇരുവരും നടത്തുന്നതെന്നും അദ്ദേഹം പറഞ്ഞു . മുസ്ലിം വോട്ടുകൾ നേടാനുള്ള വിഷയമായി പാലസ്തീനെ മാറ്റുകയാണെന്നും ഹമാസ് അനുകൂലികളായി വേഷമിടുന്നത് നിരോധിത സംഘടനയുടെ വക്താക്കളാണെന്നും അദ്ദേഹം പറഞ്ഞു

കോഴിക്കോടും മലപ്പുറവും കേന്ദ്രീകരിച്ച് മാത്രം റാലികൾ നടത്തുന്നു. തെക്കൻ കേരളത്തിൽ എന്തുകൊണ്ടാണ് ഹമാസ് അനുകൂല റാലി നടത്താൻ സിപിഎമ്മും കോൺഗ്രസും തയ്യാറാകാത്തതെന്നും അദ്ദേഹം ചോദിച്ചു. പോപ്പുലർ ഫ്രണ്ടിനെ നിരോധിച്ചതിന് ശേഷം ഹമാസ് അനുകൂലികളായി വേഷമിടുന്നത് നിരോധിത സംഘടനകളുടെ വക്താക്കളാണെന്നും അദ്ദേഹം പറഞ്ഞു.

സുരേഷ് ഗോപിക്കെതിരെയുള്ള ആരോപണങ്ങൾ രാഷ്ട്രീയ ലക്ഷ്യത്തിന്റെ ഭാഗമാണെന്നും എം ടി രമേശ്‌ കുറ്റപ്പെടുത്തി. തൃശൂർ അതിരൂപതയുടെ പേരിൽ പ്രചരിച്ചത് ഔദ്യോഗികമായ പ്രസ്താവന അല്ലെന്ന് സഭ തന്നെ വ്യക്തമാക്കിയെന്നും പ്രചാരണത്തിന് പിന്നിൽ രാഷ്ട്രീയ ലക്ഷ്യമാന്നെന്നും അദ്ദേഹം തൃശ്ശൂരിൽ പറഞ്ഞു.