33 തദ്ദേശ വാര്‍ഡുകളിലേക്ക് നടന്ന ഉപതിരഞ്ഞെടുപ്പില്‍ യു.ഡി.എഫ് തരംഗം. കഴിഞ്ഞ തെരഞ്ഞെടുപ്പില്‍ 11 സീറ്റുകളുണ്ടായിരുന്ന യു.ഡി.എഫ് 17 സീറ്റുകളില്‍ വിജയിച്ചു. എല്‍.ഡി.എഫില്‍ നിന്ന് അഞ്ചും എസ്.ഡി.പി.ഐയില്‍ നിന്ന് ഒന്നും സ്വതന്ത്രരില്‍ നിന്ന് രണ്ടും സീറ്റുകളാണ് പിടിച്ചെടുത്തത്. പ്രതിപക്ഷ നേതാവിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

33 തദ്ദേശ വാര്‍ഡുകളിലേക്ക് നടന്ന ഉപതിരഞ്ഞെടുപ്പില്‍ യു.ഡി.എഫ് തരംഗം. കഴിഞ്ഞ തെരഞ്ഞെടുപ്പില്‍ 11 സീറ്റുകളുണ്ടായിരുന്ന യു.ഡി.എഫ് 17 സീറ്റുകളില്‍ വിജയിച്ചു. എല്‍.ഡി.എഫില്‍ നിന്ന് അഞ്ചും എസ്.ഡി.പി.ഐയില്‍ നിന്ന് ഒന്നും സ്വതന്ത്രരില്‍ നിന്ന് രണ്ടും സീറ്റുകളാണ് പിടിച്ചെടുത്തത്. ഏത് കോട്ടയും പൊളിക്കാനുള്ള പോരാട്ടവീര്യം UDF നുണ്ട്.

അഴിമതിയും ധൂര്‍ത്തും കെടുകാര്യസ്ഥതയും ധാര്‍ഷ്ട്യവും മുഖമുദ്രയാക്കിയ പിണറായി സര്‍ക്കാരിനോട് ജനങ്ങള്‍ക്കുള്ള വെറുപ്പും ദേഷ്യവും പ്രതിഫലിക്കുന്നതാണ് ഈ തദ്ദേശ ഉപതെരഞ്ഞെടുപ്പ് ഫലം.

കഴിഞ്ഞ രണ്ട് വര്‍ഷത്തിനിടെ നടന്ന തദ്ദേശ ഉപതെരഞ്ഞെടുപ്പുകളില്‍ യു.ഡി.എഫ് നേടിയ ഉജ്ജ്വല വിജയത്തിന്റെ തുടര്‍ച്ചയാണ് ഇപ്പോഴും ഉണ്ടായത്. ഒരു വോട്ടിനും നാല് വോട്ടിനും മുപ്പത് വോട്ടിനുമാണ് 3 വാർഡുകൾ UDF ന് നഷ്ട്ടപ്പെട്ടത്. വിജയികൾക്കും വിജയത്തിനു വേണ്ടി കഠിനാധ്വാനം ചെയ്ത യു.ഡി.എഫ്, കോണ്‍ഗ്രസ് നേതാക്കള്‍ക്കും പ്രവര്‍ത്തകര്‍ക്കും ഹൃദയാഭിവാദ്യങ്ങള്‍.