പാനൂരില് ബോംബ് ഉണ്ടാക്കിയതും അത് പൊട്ടിത്തെറിച്ച് മരിച്ചതും സി.പി.എമ്മുകാരന്; പരിക്കേറ്റതും ആശുപത്രിയില് കൊണ്ടു പോയതും സി.പി.എമ്മുകാര്; മരിച്ചവരുടെ ശവസംസ്ക്കാരത്തിന് പോയതും സി.പി.എമ്മുകാര്; പിന്നെ എങ്ങനെയാണ് സി.പി.എമ്മിന് ബോംബ് ഉണ്ടാക്കിയതിന്റെ ഉത്തരവാദിത്വത്തില് നിന്നും ഒഴിഞ്ഞു മാറാനാകുന്നത്? തുറന്നടിച്ച് പ്രതിപക്ഷ നേതാവ്
പാനൂരില് ബോംബ് ഉണ്ടാക്കിയതും അത് പൊട്ടിത്തെറിച്ച് മരിച്ചതും സി.പി.എമ്മുകാരന്. പരിക്കേറ്റതും ആശുപത്രിയില് കൊണ്ടു പോയതും സി.പി.എമ്മുകാര്. മരിച്ചവരുടെ ശവസംസ്ക്കാരത്തിന് പോയതും സി.പി.എമ്മുകാര്. പിന്നെ എങ്ങനെയാണ് സി.പി.എമ്മിന് ബോംബ് ഉണ്ടാക്കിയതിന്റെ ഉത്തരവാദിത്വത്തില് നിന്നും ഒഴിഞ്ഞു മാറാനാകുന്നത് എന്ന് പ്രതിപക്ഷ നേതാവ്. അദ്ദേഹത്തിന്റെ വാക്കുകൾ ഇങ്ങനെ; തിരഞ്ഞെടുപ്പായതു കൊണ്ടാണ് ബന്ധമില്ലെന്നു പറയുന്നത്.
2015-ല് ഇപ്പോള് സ്ഫോടനമുണ്ടായതിന്റെ അഞ്ച് കിലോമീറ്റര് അപ്പുറത്തെ ഈസ്റ്റ് ചെറ്റക്കണ്ടിയിലെ പൊയിലൂരിലും ബോംബ് പൊട്ടിത്തെറിച്ച് രണ്ടു പേര് മരിച്ചു. സി.പി.എമ്മിന് ഒരു ബന്ധവും ഇല്ലെന്നാണ് അന്നത്തെ പാര്ട്ടി സെക്രട്ടറി കൊടിയേരി ബാലകൃഷ്ണന് പറഞ്ഞത്. മൂന്ന് കൊല്ലം കഴിഞ്ഞ് തൃശൂരില് സി.പി.എം സംസ്ഥാന സമ്മേളനം നടന്നപ്പോള് 577 രക്തസാക്ഷിക്കൊപ്പം ബോംബ് പൊട്ടിത്തെറിച്ച് 2015-ല് മരിച്ച രണ്ടു പേരുടെ ചിത്രവും ഉണ്ടായിരുന്നു.
ആര്.എസ്.എസ് പ്രത്യാക്രമണത്തില് കൊല്ലപ്പെട്ടവരെന്നാണ് രേഖപ്പെടുത്തിയിരുന്നത്. എന്നാലിപ്പോള് ആര്.എസ്.എസുമായി ഒരു പ്രത്യാക്രമണവുമില്ല. മാസ്ക്കറ്റ് ഹോട്ടലില് ശ്രീ. എമ്മിന്റെ മധ്യസ്ഥതയില് മുഖ്യമന്ത്രി നടത്തിയ ചര്ച്ചയെ തുടര്ന്ന് ആര്.എസ്.എസും സി.പി.എമ്മും തമ്മിലുള്ള സംഘര്ഷമൊക്കെ അവസാനിച്ചു. യു.ഡി.എഫുകാരെ കൊല്ലാന് വേണ്ടി ഉണ്ടാക്കിയ ബോംബാണോ എന്ന് മാത്രമെ അറിയാനുള്ളൂ.
ആഭ്യന്തര വകുപ്പിന്റെ ചുമതലയില് ഇരുന്നു കൊണ്ട് മുഖ്യമന്ത്രി പിണറായി വിജയന് ഇതുപോലുള്ള വൃത്തികേടുകളെയും അക്രമവാസനകളെയും തോന്യാസങ്ങളെയും പ്രോത്സാഹിപ്പിക്കുകയും തണലുണ്ടാക്കിക്കൊടുക്കുകയുമാണ്. നാട്ടിലെ ക്രിമിനലുകളെ മുഴുവന് പ്രോത്സാഹിപ്പിക്കുന്ന ആളാണ് മുഖ്യമന്ത്രി. എന്നിട്ടാണ് തിരഞ്ഞെടുപ്പില് ജയിക്കുമെന്ന് പറയുന്നത്. ഒരു സീറ്റില് പോലും എല്.ഡി.എഫ് വിജയിക്കില്ല. അതുകൊണ്ടാണ് ഏതെങ്കിലും സീറ്റില് ജയിക്കാന് ബി.ജെ.പി- സി.പി.എം ധാരണയുണ്ടാക്കുന്നത് എന്നും അദ്ദേഹം ആരോപിച്ചു.
https://www.facebook.com/Malayalivartha