പച്ചപ്പരവതാനിയുള്ള ലോകസഭയിൽ നിന്നും ഒരൽപം നടന്ന് ചുവന്ന പരവതാനിയുള്ള രാജ്യസഭയിലേക്കു ചേക്കേറുമ്പോൾ കേരളത്തിൽ മുന്നണി ശക്തിപ്പെടും, തീർച്ചയെന്ന് ശബരിനാഥൻ പറഞ്ഞപ്പോൾ രാജ്യസഭ സ്ഥാനാർഥിത്വം കാശുകൊടുത്തു വാങ്ങിയതെന്ന് പി സി ജോർജ്ജ് ; ജോസ് കെ. മാണിയുടെ രാജ്യസഭ സ്ഥാനാർഥിത്വത്തെ പരിഹസിച്ച് നേതാക്കന്മാർ രംഗത്ത്
ജോസ് കെ. മാണിയുടെ രാജ്യസഭ സ്ഥാനാർഥിത്വത്തെ പരിഹസിച്ച് നേതാക്കന്മാർ. പച്ചപ്പരവതാനിയുള്ള ലോകസഭയിൽ നിന്നും ഒരൽപം നടന്ന് ചുവന്ന പരവതാനിയുള്ള രാജ്യസഭയിലേക്കു ചേക്കേറുമ്പോൾ കേരളത്തിൽ മുന്നണി ശക്തിപ്പെടും, തീർച്ച... എന്ന് കെ.എസ്. ശബരീനാഥൻ എംഎൽഎ പരിഹസിച്ചപ്പോൾ , രാജ്യസഭ സ്ഥാനാർഥിത്വം കാശുകൊടുത്തു വാങ്ങിയ സീറ്റെന്ന് പി സി ജോർജ്ജ് എം.എൽ.എ.
കോൺഗ്രസ് നേതൃത്വം കടുത്ത സാമ്പത്തിക പ്രതിസന്ധി അനുഭവിക്കുകയാണ്. ഇയൊരു സാഹചര്യത്തിൽ പ്രവർത്തകരുടെ വികാരങ്ങൾ പരിഗണിക്കാൻ കോൺഗ്രസിന് ആവില്ലെന്നും പി.സി ജോർജ് പറഞ്ഞു.
കേരള കോൺഗ്രസിന് നൽകിയ രാജ്യസഭ സീറ്റിൽ വെള്ളിയാഴ്ചയാണ് ജോസ് കെ. മാണിയെ സ്ഥാനാർഥിയായി പ്രഖ്യാപിച്ചത്. കോൺഗ്രസ് നേതൃത്വവുമായി നടത്തിയ ചർച്ചകൾക്കൊടുവിലാണ് രാജ്യസഭ സീറ്റ് കേരള കോൺഗ്രസിന് ലഭിച്ചത്. കേരള കോൺഗ്രസിന് സീറ്റ് നൽകിയത് കോൺഗ്രസിൽ വിവാദങ്ങൾക്ക് ഇടയാക്കിയിരുന്നു.
https://www.facebook.com/Malayalivartha
