സൗദിയില്‍ സ്വദേശിവത്കരണം നടപ്പിലാക്കുന്നതിനെ തുടര്‍ന്ന് തൊഴില്‍ നഷ്ടമായത് 2,34,000 പ്രവാസികള്‍ക്ക്. സൗദിയില്‍ സ്വദേശിവത്കരണത്തില്‍ ഈ വര്‍ഷം ആദ്യ മൂന്നു മാസത്തിനിടെ ജോലി നഷ്ടപ്പെട്ടവരുടെ കണക്കാണിത്.

അതേസമയം ദിവസേന കുറഞ്ഞത് 266 വിദേശ വനിതകള്‍ക്ക് ജോലി നഷ്ടമാകുന്നതായാണ് കണക്കുകള്‍ സൂചിപ്പിക്കുന്നത്. 2017 അവസാനത്തിലെ കണക്കനുസരിച്ച് 1.042 കോടി വിദേശ ജോലിക്കാരാണ് സൗദിയിലുണ്ടായിരുന്നത്. എന്നാല്‍ ഈ വര്‍ഷം ആദ്യ0തന്നെ അത് 1.018 ആയി കുറഞ്ഞു.

എന്നാല്‍ കഴിഞ്ഞ പതിനഞ്ചു മാസത്തെ മൊത്തം കണക്കെടുത്താല്‍ ഏഴു ലക്ഷത്തിലേറെ വിദേശികള്‍ക്ക് സൗദിയില്‍ തൊഴില്‍ നഷ്ടപ്പെട്ടതായാണ് റിപ്പോര്‍ട്ട്.