അബുദാബിയില്‍ വച്ച് മരണപ്പെട്ട പ്രവാസിയുടെ മൃതദേഹം നാട്ടിലെത്തിച്ചു. എന്നാൽ മലയാളി പ്രവാസിയുടെ മൃതദേഹത്തിന് പകരം നാട്ടിലെത്തിച്ചത് ചെന്നൈ സ്വദേശിയുടെ മൃതദേഹം ആയിരുന്നു. അമ്പലവയൽ തായ്​കൊല്ലി ഒതയോത്ത്​ നരിക്കുണ്ട് അഴീക്കോടന്‍ ഹരിദാസന്റെ മകന്‍ നിഥി​ന്റെ (30) മൃതദേഹത്തിന് പകരമാണ് ചെന്നൈ സ്വദേശിയുടെ മൃതദേഹം എത്തിയത്.

ഇന്ന്​ രാവിലെ കരിപ്പൂര്‍ വിമാനത്താവളത്തിലെത്തിയ മൃതദേഹം അമ്പലവയൽ സര്‍ക്കാര്‍ ആശുപത്രിയിലേക്ക് മാറ്റിയിരുന്നു. പിന്നീടാണ് മൃതദേഹം മാറിയതായി വിവരം ലഭിച്ചത്. നിഥിന്റെ മൃതദേഹം ബംഗളൂരു വിമാനത്താവളത്തിലെത്തിക്കുകയും അവിടെ നിന്ന്​ മൈസൂരുവിലെത്തിച്ച ശേഷം ചെന്നൈ സ്വദേശിയുടെ മൃതദേഹവും അവിടെയെത്തിക്കാനാണ് തീരുമാനം.