ഒമാനിലെ സലാലയിൽലുണ്ടായ വാഹനാപകടത്തിൽ മലയാളികളായ മൂന്നു പേര് കൊല്ലപ്പെട്ടു. അവധി ആഘോഷിക്കായി സന്ദർശന വിസയിൽ സലാലയിലെത്തിയ മലപ്പുറം സ്വദേശികളാണ് മരിച്ചത്. സലാലയിലെ മിർബാതിൽ ആയിരുന്നു അപകടമുണ്ടായത്.

അപകടം നടക്കുന്ന സമയത്ത് കാറില്‍ 4 പേരാണ് ഉണ്ടായിരുന്നത്. മലപ്പുറം പള്ളിക്കല്‍ ബസാര്‍ സ്വദേശികാളായ സലാം, അസൈനാര്‍ പരുത്തിക്കാട് , ഇ.കെ അഷ്‌റഫ് ഹാജി എന്നിവരാണ് മരിച്ചത്. കാറിലുണ്ടായ ഉമര്‍ എന്നയാളെ പരുക്കുകളോടെ സലാല ഖാബൂസ് ആശുപത്രിയില്‍ പ്രവേശിപ്പിച്ചു. കാര്‍ ട്രക്കിലിടിച്ചാണ് അപകടമുണ്ടായതെന്നാണ് മാധ്യമങ്ങളിലെ റിപ്പോര്‍ട്ടുകള്‍.