7 വർഷം തടവിന് ശിക്ഷിക്കപ്പെട്ട മാധ്യമ പ്രവർത്തകരുടെ അപ്പീൽ ഹൈക്കോടതി തള്ളി
മ്യാന്മറില് രോഹിന്ഗ്യകള്ക്കു നേരെ സൈന്യം നടത്തുന്ന അക്രമങ്ങളില് പ്രതിഷേധിച്ച് വാര്ത്ത നല്കിയ രണ്ട് മാധ്യമപ്രവർത്തകരുടെ അപ്പീല് ഹൈക്കോടതി തള്ളി. 7 വര്ഷം തടവ് ശിക്ഷ ലഭിച്ച 2 മാധ്യമ പ്രവര്ത്തകരുടെ അപ്പീലാണ് ഹൈക്കോടതി തള്ളിയിരിക്കുന്നത്.
വാര്ത്താ ഏജന്സിയായ റോയിട്ടേഴ്സിന്റെ റിപ്പോര്ട്ടര്മാരായ വാ ലോണ്, ക്വാവ സോവു എന്നിവരാണ് 13 മാസമായി ജയിലില് കഴിയുന്നത്. ഔദ്യോഗിക രഹസ്യ നിയമം ലംഘിച്ചെന്ന കുറ്റത്തിനാണ് ഇരുവരെയും ശിക്ഷിച്ചത്.
വിധി ന്യായവും നിയമപരവുമാണെന്നു ഹൈക്കോടതി വ്യക്തമാക്കി. ഈ വിധിക്കെതിരെ സുപ്രീം കോടതിയില് അപ്പീല് നല്കാം. തുടര്ന്നു പ്രസിഡന്റിനു ദയാ ഹര്ജി നല്കാനും വ്യവസ്ഥയുണ്ട്. വിധിയില് ഇരുവരുടെയും കുടുംബാംഗങ്ങള് നിരാശ പ്രകടിപ്പിച്ചു. സത്യം പുറത്തു വരാതിരിക്കാന് സര്ക്കാര് ആഗ്രഹിക്കുന്നതു കൊണ്ടാണു മാധ്യമപ്രവര്ത്തകരെ പുറത്തുവിടാത്തതെന്നു വാര്ത്താ ഏജന്സിയായ റോയിട്ടേഴ്സ് പ്രതികരിച്ചു.
https://www.facebook.com/Malayalivartha
