മക്ക - മദീന അതിവേഗ റയില്‍പ്പാത നിര്‍മാണം അവസാന ഘട്ടത്തില്‍
പുണ്യനഗരങ്ങളായ മക്കയെയും മദീനയെയും ബന്ധിപ്പിക്കുന്ന ഹറമെയ്ന്‍ അതിവേഗ റയില്‍പ്പാതയുടെ നിര്‍മാണം അവസാനഘട്ടത്തില്‍. സൗദിയിലെ ഏറ്റവും വലിയ റ യില്‍ പദ്ധതിയായ ഹറമെയ്ന്‍ അതിവേഗപാതയിലെ പരിശീലന ഓട്ടം ഉടന്‍ നടത്തുമെന്ന് സൗദി റയില്‍വേ ഓര്‍ഗനൈസേഷന്‍ (എസ്ആര്‍ഒ) അറിയിച്ചു. റാബിഗിലുള്ള കിങ് അ ബ്ദുല്ല ഇക്കണോമിക് സിറ്റിയുമായി മദീനയെ ബന്ധിപ്പിക്കുന്ന റൂട്ടിലാണ് പരിശീലന ഓട്ടം.
മക്കയില്‍നിന്നു ജിദ്ദ വഴി മദീനയിലേക്കും അവിടെനിന്നു റാബിഗിലേക്കുമായിരിക്കും ഈ അതിവേഗ ട്രെയിന്‍ സര്‍വീസ്. ഹറമെയ്ന്‍ അതിവേഗ റയില്‍പ്പാതയിലൂടെ മക്കയില്‍നിന്ന് ജിദ്ദയിലെത്താന്‍ അരമണിക്കൂറും, മക്കയില്‍നിന്ന് മദീനയിലെത്താന്‍ രണ്ടരമണിക്കൂറും മതി. മണിക്കൂറില്‍ 300 കിലോമീറ്റര്‍ വേഗത്തിലാണ് പരിശീലന ഓട്ടം നടത്തുക. സൗദിയുടെ ചരിത്രത്തിലെ ഏറ്റവും വലിയ റയില്‍പദ്ധതിയാണിതെന്നും എസ്ആര്‍ഒ അധ്യക്ഷന്‍ മുഹമ്മദ് അല്‍ സുവൈകെത്ത് പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
