'വീണ്ടും ആത്മഹത്യയുടെ കഥകൾ കേൾക്കുവാൻ തുടങ്ങി.വിദ്യാസമ്പന്നരായ രണ്ടുപേർ...സാമ്പത്തികമായി മെച്ചപ്പെട്ട നിലയിൽ,ഗൾഫിൽ അധികം തരക്കേടില്ലാത്ത ജോലി, വിദ്യാസമ്പന്നർ,എവിടെയാണ് ജീവിതത്തിൽ താളം തെറ്റിയത്...' പ്രവാസികളുടെ ആത്മഹത്യയിൽ ദുഃഖിതനായി അഷ്റഫ് താമരശ്ശേരി
കുറച്ചു നാളുകൾക്ക് ശേഷം വീണ്ടും പ്രവാസലോകത്ത് നിന്ന് ആത്മഹത്യയുടെ വാർത്തകൾ പുറത്തേക്ക് വരുകയാണ്. ഇത് ഏറെ ആശങ്ക നൽകുന്നതെന്ന് വ്യക്തമാക്കുകയാണ് സാമൂഹ്യപ്രവർത്തകനായ അഷ്റഫ് താമരശ്ശേരി. 'വിദ്യാസമ്പന്നരായ രണ്ടുപേർ, ഒരാൾ എഞ്ചനീയറിംഗ് ബിരുദധാരിയായ തമിഴ്നാട് സ്വദേശി ദിലീപൻ (വയസ്സ് 31).മറ്റെയാൾ കോട്ടയം സ്വദേശി (32) വയസ്സുളള ശ്രുതി,MBA കഴിഞ്ഞ് ഇവിടെ ഒരു കമ്പനിയിൽ ചീഫ് അക്കൗണ്ടൻറായി ജോലി ചെയ്യുകയായിരുന്നു...' എന്ന് അദ്ദേഹം കുറിക്കുകയുണ്ടായി.
ഫേസ്ബുക് കുറിപ്പിന്റെ പൂർണരൂപം;
ഇന്ന് രണ്ട് മരണങ്ങളായിരുന്നു.രണ്ട് പേരും ആത്മഹത്യ ചെയ്തതാണ്. കുറച്ച് കാലങ്ങളായി ആത്മഹത്യകൾ കുറവായിരുന്നു.വീണ്ടും ആത്മഹത്യയുടെ കഥകൾ കേൾക്കുവാൻ തുടങ്ങി. വിദ്യാസമ്പന്നരായ രണ്ടുപേർ, ഒരാൾ എഞ്ചനീയറിംഗ് ബിരുദധാരിയായ തമിഴ്നാട് സ്വദേശി ദിലീപൻ (വയസ്സ് 31).മറ്റെയാൾ കോട്ടയം സ്വദേശി 32 വയസ്സുളള ശ്രുതി,MBA കഴിഞ്ഞ് ഇവിടെ ഒരു കമ്പനിയിൽ ചീഫ് അക്കൗണ്ടൻറായി ജോലി ചെയ്യുകയായിരുന്നു. ഇന്ന് എംബാംമിംഗ് കഴിഞ്ഞ് മൃതദേഹങ്ങൾ നാട്ടിലേക്ക് അയക്കും.ദിലീപൻെറയും ശ്രുതിയുടെയും ചുറ്റുപാടുകൾ നല്ലതായിരുന്നു. സാമ്പത്തികമായി മെച്ചപ്പെട്ട നിലയിൽ,ഗൾഫിൽ അധികം തരക്കേടില്ലാത്ത ജോലി, വിദ്യാസമ്പന്നർ,എവിടെയാണ് ജീവിതത്തിൽ താളം തെറ്റിയത്.
ആത്മഹത്യ ചെയ്തിൻെറ കാരണം കണ്ടെത്തുവാൻ ഈ അവസരം ഞാൻ ഉപയോഗിക്കുന്നില്ല, എന്തായാലും ആത്മഹത്യകൾ പ്രശ്നപരിഹാരത്തിന് കാരണങ്ങളല്ല.ദെെവം തന്ന നല്ലൊരു ജീവിതം അത് മുറിച്ച് മാറ്റുവാൻ അവകാശമില്ല.എൻെറ കഴിഞ്ഞ ഒരു പാട് post കളിൽ ഈ കാര്യങ്ങൾ വ്യക്തമാക്കിയിട്ടുളളതാണ്.നിങ്ങൾ അനുഭവിക്കുന്ന മാനസിക പ്രശ്നങ്ങൾക്ക് എന്നെ വിളിക്കുവാൻ പറഞ്ഞതിന് ശേഷം,ഒട്ടനവധി പേരാണ് എന്നെ വിളിച്ചതും,അവരെ ജീവിതത്തിലേക്ക് തിരിച്ച് കൊണ്ട് വരുവാൻ കഴിഞ്ഞിട്ടുണ്ട്. അവരുടെ പ്രശ്നങ്ങൾ കേൾക്കുവാൻ ആരുമില്ലായെന്ന തോന്നലാണ്, ഇത്തരം ആൾക്കാരെ ആത്മഹത്യ ചെയ്യുവാൻ പ്രേരിപ്പിക്കുന്ന ഒരു പ്രധാനഘടകം.അവരുടെ വിഷമങ്ങൾ കേൾക്കുവാനുളള അവരുടെ ഒരു നല്ല സുഹൃത്താകാൻ നമ്മുക്ക് കഴിഞ്ഞാൽ ഇവരേ ജീവിത്തിലേക്ക് തിരികെ കൊണ്ട് വരുവാൻ കഴിയും.അതിൽ യാതൊരു സംശയവുമിലല്ല.
രണ്ട് ദിവസം കൂടി കഴിഞ്ഞാൽ ഒക്റ്റോബര് 10 അന്ന് ലോക മാനസികാരോഗ്യ ദിനമാണ്.ആ ദിനത്തിൽ ആത്മഹത്യയെ എങ്ങനെ പ്രതിരോധിക്കാം,എന്നതാകണം വിഷയം,ശരിയായ കൗൺസിലിംഗ് കൊണ്ട് മാത്രമെ ഇത്തരം മാനസികാവസ്ഥക്ക് ഒരു പരിധിവരെ പരിഹാരം കാണുവാൻ കഴിയു.
Ashraf thamarassery
https://www.facebook.com/Malayalivartha