ഒടുവിൽ യുഎഇ ആ നിർണ്ണായക തീരുമാനം എടുക്കുന്നു. ജീവനക്കാരുടെ എണ്ണം 10% കുറയ്ക്കാൻ 30% സ്ഥാപനങ്ങൾ നീക്കം നടത്തുന്നതായി റിപ്പോർട്ടുകൾ പുറത്ത് വരികയാണ് ... റീട്ടെയ്ൽ മേഖലാ സ്ഥാപനങ്ങളായിരിക്കും ജീവനക്കാരെ കുറയ്ക്കുക എന്നാണ് റിപോർട്ടുകൾ സൂചിപ്പിക്കുന്നത് . രാജ്യാന്തര മാനവശേഷി കൺസൽറ്റിങ് കമ്പനിയായ മെർസർ യുഎഇയിലെ 500 കമ്പനികളിൽ നടത്തിയ സർവേയിലാണ് ഈ കണ്ടെത്തൽ നടത്തിയിരിക്കുന്നത് . എന്നാൽ 2021ൽ 4% ശമ്പള വർധനയും പ്രതീക്ഷിക്കുന്നു . കോവിഡിന്റെ വരവോടെ പല കമ്പനികളും ശമ്പളം 10–30% വരെ കുറച്ചിരുന്നു. പലരും ഇപ്പോൾ പുനസ്ഥാപിച്ച് തുടങ്ങി. വെട്ടിക്കുറച്ച ശമ്പളം ഗഡുക്കളായി തിരിച്ചു നൽകുന്ന കമ്പനികളുമുണ്ട്. എന്നാൽ 17% കമ്പനികൾ ശമ്പളം 6 മാസം വൈകിപ്പിക്കുകയും ചെയ്തിരുന്നു .

മറ്റു മാറ്റങ്ങളും നടന്നിട്ടുണ്ട് . ഉൽപാദനം കൂട്ടി വര്‍ക്ക് ഫ്രം ഹോം ആക്കി . കോവിഡ് പകർച്ച തടയുന്നതിന്റെ ഭാഗമായി വർക് ഫ്രം ഹോം)ചെയ്യാൻ 66% കമ്പനികൾ അനുവദിച്ചിരുന്നു. ഇതുമൂലം ഉൽപാദനം കൂടിയ 25% കമ്പനികൾ കോവിഡിനു ശേഷവും വീട്ടിലിരുന്നുജോലി തുടരാൻ അനുവദിക്കുമെന്നാണ് സൂചിപ്പിച്ചതെന്നു മെർസറിന്റെ മധ്യപൂർവദേശ കരിയർ പ്രോഡക്ട്സ് ലീഡർ ടെഡ് റഫൂൽ വ്യക്തമാക്കി . 2021ലും കോവിഡ് തുടർന്നാൽ വെല്ലുവിളി നേരിടുന്നതിനുള്ള സ്ഥിരം സംവിധാനം ഉണ്ടായേക്കുമെന്നും പറഞ്ഞിട്ടുണ്ട് . ലോജിസ്റ്റിക്സിൽ ജോലി സാധ്യത കൂടുതലാണ് ...ഓൺലൈൻ ഇടപാട് വർധിച്ചതിനാൽ ലോജിസ്റ്റിക്സ് മേഖലകളിൽ ജോലിസാധ്യത വർധിച്ചു. കോവിഡ് നിയന്ത്രണങ്ങളുടെ ഭാഗമായി ജനം വീട്ടിലിരിക്കുന്നതിനാൽ ഇ–കൊമേഴ്സ് കൂടിയതാണ് ഈ മേഖലയ്ക്ക് ഗുണകരമായത്. ശമ്പളം വർധിച്ച മേഖലകൾ ഇതൊക്കെയാണ്... ആരോഗ്യ, ഔഷധ നിർമാണം 4.5%, കൺസ്യൂമർ ഗുഡ്സ് 3.5%, ഊർജം 2.6% എന്നീ വിഭാഗം കമ്പനികളിലാണ് ഈ വർഷം ശമ്പള വർധനയുണ്ടായത്. യുഎഇ, ബഹ്റൈൻ 3.8%, സൗദി അറേബ്യ 3.7%, കുവൈത്ത്, ഒമാൻ 3% എന്നീ രാജ്യങ്ങളിലും ഈ വർഷം ശമ്പള വർധനയുണ്ടായി. യുഎഇയിൽ അടുത്ത വർഷം 4% വർധനയാണ് പ്രതീക്ഷിക്കുന്നത്.