ഒരു വീട് വാങ്ങാൻ ലക്ഷങ്ങളും കോടികളുമൊക്കെ പൊടിക്കുന്ന ഈ കാലത്ത് വീടിന് വെറും 86 രൂപയോ എന്നു തോന്നാം. പക്ഷേ, സം​ഗതി സത്യമാണ്. ഇറ്റലിയിലെ ഒരു ചെറുപട്ടണമായ സലേമിയിലാണ് ഇത്രയും കുറഞ്ഞവിലയ്ക്ക് വീടുവീട് കിട്ടുന്നത് . 86 രൂപയ്ക്ക് വീടു വിൽക്കുന്നതിനു പിന്നിൽ ​ഗൗരവകരമായ ചില വസ്തുതകളുമുണ്ട്. ....

വില്‍പ്പനയ്ക്ക് വെച്ചിരിക്കുന്ന വീടുകളെല്ലാം ഇപ്പോള്‍ ഭരണകൂടവും അംഗീകൃത വില്‍പ്പനക്കാരുമാണ് കൈവശം വെച്ചിരിക്കുന്നത്. തനിച്ച് വീട് വാങ്ങാതെ കുടുംബങ്ങളെയും സുഹൃത്ത് സംഘങ്ങളെയും കൂട്ടി വീടുകള്‍ വാങ്ങാന്‍ വരൂ എന്നാണ് അധികൃതർ പറയുന്നത് .പുതിയ പദ്ധതിയിലൂടെ പട്ടണത്തിലേക്ക് കൂടുതൽ ആളുകളെ ആകർഷിക്കുകയാണ് അധികൃതരുടെ ലക്ഷ്യം.......

ഉപേക്ഷിക്കപ്പെട്ട വീടുകൾ നേരത്തേയും സമീപവാസികൾ വിൽക്കാൻ ശ്രമം നടത്തിയിരുന്നെങ്കിലും ആരും സഹകരിച്ചിരുന്നില്ല. കോവിഡ് കാലം പ്രതിസന്ധി കൂടുതൽ രൂക്ഷമാക്കുകയും ചെയ്തു. ഇതോടെയാണ് ടൗൺ മാനേജ്മെന്റ് തുച്ഛവിലയ്ക്ക് വീടുകൾ വിറ്റ് പ്രശ്നം പരിഹരിക്കാൻ ശ്രമിച്ചത്......

വീടുകളിലേക്കുള്ള വഴി, വൈദ്യുതി, മലിനജലം ഒഴുക്കിവിടാനുള്ള സംവിധാനം തുടങ്ങിയ അടിസ്ഥാന ആവശ്യങ്ങളെല്ലാം പരിഹരിച്ചതിനു ശേഷമാണ് പദ്ധതിക്ക് തുടക്കം കുറിച്ചതെന്നു സലേമി മേയർ ഡൊമിനികോ വെനുറ്റി പറയുന്നു......

എന്താണ് ഈ വിലക്കുറവിന്റെ കാരണമെന്നറിഞ്ഞാല്‍ ചെറുതായൊന്നു ഞെട്ടും. അവിടെ താമസിക്കാന്‍ ആളില്ല എന്നതുതന്നെ കാരണം. ഗ്രാമത്തിലുണ്ടായിരുന്നവരെല്ലാം കൂടുതൽ സൗകര്യങ്ങൾ തേടി മറ്റിടങ്ങളിലേക്ക് കുടിയേറിയപ്പോള്‍ ജനങ്ങളില്ലാത്ത ആള്‍പ്പാര്‍പ്പില്ലാത്ത വീടുകള്‍ മാത്രമുള്ള ഗ്രാമമായി സലേമി മാറി..

1980കള്‍ മുതല്‍ ഇടയ്ക്കിടെ ഉണ്ടാകുന്ന ഭൂകമ്പങ്ങള്‍ കാരണമാണ് ഇവിടെ താമസിച്ചിരുന്നവരില്‍ മിക്കവരും പ്രദേശത്ത് നിന്ന് താമസംമാറിയത്. ഇതോടെ നഗരത്തിലെ ജനസംഖ്യ കുത്തനെ കുറഞ്ഞു.

സിസിലി ദ്വീപിന്റെ തെക്കു പടിഞ്ഞാറ് വശത്തായാണ് ചരിത്രപ്രസിദ്ധമായ സലേമി പട്ടണം സ്ഥിതി ചെയ്യുന്നത്. മുന്തിരിത്തോട്ടങ്ങൾ, ഒലിവ് തോട്ടങ്ങൾ എന്നിവയാൽ ചുറ്റപ്പെട്ട സലേമി പട്ടണത്തിലെ ചില വീടുകൾ 1600-കളിലെ പുരാതന ന​ഗര മതിലുകളാൽ ചുറ്റപ്പെട്ടതാണ്.......

വീട് വാങ്ങാൻ ആ​ഗ്രഹിക്കുന്നവർ സലേമി സിറ്റി കൗൺസിലിന്റെ ഔദ്യോ​ഗിക വെബ്സൈറ്റിൽനിന്നും അപേക്ഷാ ഫോം ലഭിക്കുന്നതാണ്. ഓരോ വീടിന്റെയും ചിത്രങ്ങളും വിശദാംശങ്ങളും വെബ്സൈറ്റിൽ ലഭ്യമാണ്. താൽപര്യമുള്ളവർ നവീകരണ പദ്ധതി എങ്ങനെയാണെന്ന് അയക്കുന്നതിനൊപ്പം 2,89,088 രൂപ (3000 പൗണ്ട്) നിക്ഷേപമായി അടയ്ക്കുകയും വേണം......

മൂന്നു വർഷത്തിനുള്ളിൽ പദ്ധതി പ്രകാരം നവീകരണം പൂർത്തിയാക്കിയാൽ നിക്ഷേപിച്ച തുക തിരികെ ലഭിക്കും. ഓരോ പ്രൊജക്റ്റിന്റെയും സാമ്പത്തികനേട്ടവും ന​ഗരത്തിലുണ്ടാക്കിയേക്കാവുന്ന മാറ്റവും കൗൺസിൽ വിലയിരുത്തിയതിനു ശേഷമാണ് അനുമതി ലഭിക്കുക......

നേരത്തേയും ഇറ്റലിയിലെ പല ചെറുപട്ടണങ്ങളും ഇത്തരത്തിൽ തുച്ഛവിലയ്ക്ക് വിൽപനയ്ക്ക് വച്ചിരുന്നു. സാംബുകാ പട്ടണത്തിലെ വീടുകൾ 73 രൂപയ്ക്കാണ് വിൽപന നടത്തിയിരുന്നത് . ഇറ്റലിയിലെ കംബാനിയ മേഖലയിലെ ബിസാക്കിയ എന്ന ചെറിയ നഗരത്തിൽ 86 രൂപയ്ക്ക് വീടുകൾ കിട്ടുമായിരുന്നു. ഏതായാലും ഇറ്റലിയിലെ ഗ്രാമങ്ങൾ താമസക്കാരെ കാത്ത് ഇരിക്കുകയാണ്