ലണ്ടനിലെ ഇല്‍ഫോര്‍ഡില്‍ സ്വന്തം മക്കളെ കൊന്ന പിതാവ് അറസ്റ്റില്‍. പിതാവ് നടരാജ നിത്യകുമാര്‍ (41) പോലീസിന് മുന്നില്‍ കുറ്റlസമ്മതം നടത്തി.

ആ സമയത്ത് താന്‍ വിഷാദരോഗാവസ്ഥയില്‍ ആയിരുന്നുവെന്നു ഇയാള്‍ പറഞ്ഞു.

മൂന്ന് വയസുകാരനായ നിഗിഷ്, 9 മാസം പ്രായമുള്ള മകള്‍ പവിനിയ എന്നിവരെയാണ് നടരാജ നിത്യകുമാര്‍ കൊലപ്പെടുത്തിയത്.

സംഭവം നടക്കുന്ന സമയത്ത് കുട്ടികളുടെ അമ്മ കുളിമുറിയില്‍ ആയിരുന്നു. പുറത്തിറങ്ങിയ ഇവരാണ് പോലീസിനെ വിവരമറിയിച്ചത്.

ഏപ്രില്‍ 26 നായിരുന്നു സംഭവം. പവിനിയ സംഭവസ്ഥലത്ത് തന്നെ മരിച്ചു. നിഗിഷിനെ വൈറ്റ്ചാപലിലെ ആശുപത്രിയില്‍ പ്രവേശിപ്പിച്ചെങ്കിലും പിന്നീട് മരിച്ചു.

ഇയാളെ കൊലപാതകുറ്റം ചുമത്തി അറസ്റ്റ് ചെയ്തിരുന്നു. ഡോക്ടര്‍മാരില്‍ നിന്ന് കൂടുതല്‍ വിവരങ്ങള്‍ ആവശ്യമാണെന്നും പറഞ്ഞ് കോടതി ഡിസംബര്‍ 10 വരെ വിധി പറയുന്നത് നീട്ടി. തുടര്‍ന്ന് ഇയാളെ മാനസികാരോഗ്യകേന്ദ്രത്തിലേക്ക് മാറ്റി.