സൗദിയിൽ 305 പേർക്ക് കോവിഡ് സ്ഥിരീകരിച്ചു. 16 പേർ മരിച്ചു. 357 പേർ സുഖം പ്രാപിച്ചു. ആകെ കേസുകളുടെ എണ്ണം 3,53,255 ആയി. രോഗമുക്തരുടെ ആകെ എണ്ണം 3,40,304 ആയി ഉയർന്നു.

7294 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ തുടരുന്നു. ഇതിൽ 810 പേർ ഗുരുതരസ്ഥിതിയിലാണ്. ഇവർ തീവ്രപരിചരണ വിഭാഗത്തിലാണ്. രാജ്യത്തെ കോവിഡ് മുക്തി നിരക്ക് 96.4 ശതമാനമായി ഉയർന്നു

24 മണിക്കൂറിനിടെ രാജ്യത്ത്​ പുതിയ കോവിഡ്​ കേസുകൾ ഏറ്റവും കൂടുതൽ  റിപ്പോർട്ട്​ ചെയ്​തത്​ റിയാദിലാണ്

സാമൂഹിക സമ്പർക്കവും പ്രതിരോധ നടപടികളിൽ പുലർത്തിയ ലാഘവത്വവുമാണ് കേസുകൾ വർധിക്കാൻ ഇടയായത്. പരിശോധനയിൽ രാജ്യം ഇതുവരെ പുറകോട്ട് പോയിട്ടില്ല. സാധാരണ ഗതിയിൽ 24 മണിക്കൂറിനുള്ളിൽ പരിശോധന ഫലം ലഭിക്കുമെന്നും ശരിയായ ഗുണനിലവാരം ഉറപ്പിക്കുന്നതിന് ഒരു പക്ഷേ സമയം വൈകാമെന്നും സൗദി ആരോഗ്യ മന്ത്രാലയ വക്താവ് അബ്ദുൽ ആലി  പറഞ്ഞു. കൊറോണ വാക്‌സീനുകളെ കുറിച്ച് ശുഭാപ്തി വിശ്വാസമുണ്ട്. ഔദോഗിക അംഗീകാരം ലഭിച്ചാലുടൻ അവ നൽകിത്തുടങ്ങുമെന്നും അദ്ദേഹം വ്യക്തമാക്കി