അബുദാബിയുടെ വളർച്ചയ്ക്ക് നൂതന സംവിധാനവുമായി അബുദാബിയിലെ ഡിപ്പാര്‍ട്ട്‌മെന്റ് ഓഫ് ഇക്കണോമിക് ഡെവലപ്‌മെന്റ് രംഗത്തു വന്നിരിക്കുന്നു. യുഎഇ യിലെ സ്ഥാപനങ്ങളില്‍ പാര്‍ട്ട് ടൈം ജോലികള്‍ ചെയ്യാന്‍ അവസരം നൽകുന്ന ഫ്രീലാൻസ് ലൈസൻസ് സംവിധാനമാണ് ഒരുങ്ങുന്നത് . ഇതനുസരിച്ച് വിദേശികൾക്ക് സ്വന്തമായി വ്യവസായം തുടങ്ങാം

എമിറേറ്റിന്റെ ബിസിനസ്, നിക്ഷേപ വളർച്ചയ്ക്കു ആക്കം കൂടുമെന്ന പ്രതീക്ഷയിലാണ് ഈ നടപടി എന്ന് അബുദാബി സാമ്പത്തിക വികസന വിഭാഗം (എഡിഡിഇഡി) അണ്ടർ സെക്രട്ടറി റാഷിദ് അബ്ദുൽകരീം അൽ ബലൂഷി പറയുന്നു . ഇതിലൂടെ കൂടുതൽ തൊഴിൽ അവസരം സൃഷ്ടിക്കാനും സാധിക്കുമെന്ന് അദ്ദേഹം ചൂണ്ടിക്കാട്ടി.
സാങ്കേതിക, സേവന മേഖലകളിൽ പരിചയ സമ്പന്നരായ പ്രഫഷനലുകൾക്ക് ഇതു ഗുണം ചെയ്യും.നിലവിൽ
ജോലിയുള്ളവർക്കും ഫ്രീലാൻസ് ലൈസൻസ് എടുത്തു പാർട്ടി ടൈം ബിസിനസ് ചെയ്യാം . മാത്രമല്ല വിരമിച്ചവർക്കും വീട്ടമ്മമാർക്കും വിദ്യാർഥികൾക്കും തൊഴിൽരഹിതർക്കും വീട്ടിലിരുന്നു ജോലി ചെയ്യാം. ഇതോടെ തൊഴിലില്ലായ്മയ്ക്ക് പരിഹാരമാകുമെന്നാണ് വിലയിരുത്തൽ.

പൊതുമേഖലയിൽ ജോലി ചെയ്യുന്നവർ തൊഴിലുടമയിൽ നിന്ന് അനുമതി വാങ്ങണം.. സ്വകാര്യ മേഖലാ ജീവനക്കാർ സമാന സ്വഭാവമുള്ള ബിസിനസ് തുടങ്ങുകയാണെങ്കിൽ തൊഴിലുടമയിൽ നിന്നുള്ള അനുമതി നേടണമെന്ന് നിർബന്ധമാണ് ..എന്നാൽ ∙ വ്യത്യസ്ത ബിസിനസ് ആണെങ്കിൽ അനുമതി ആവശ്യമില്ല.
∙ പാർട്ട്‌ടൈം ജോലിക്കാർക്കും ഇതേ നിയമം ബാധകം.

കുറഞ്ഞ ചെലവിൽ ബിസിനസ് ചെയ്യാം എന്നതിനപ്പുറം മറ്റു കമ്പനികൾക്കു താൽക്കാലിക ജോലികൾ ഫ്രീലാൻസർമാരെ ഏൽപ്പിക്കുകയും ചെയ്യാം എന്നതാണ് ഈ സമ്പ്രദായത്തിന്റെ മേന്മ
ലൈസൻസിന് ഓഫിസോ സ്ഥലമോ വേണ്ട എന്ന സൗകര്യവും ഉണ്ട്

ഫ്രീലാൻസ് ലൈസൻസ് ലഭിക്കുന്ന ‌മേഖലകൾ ഇവയാണ്

ഫാഷൻ ഡിസൈൻ, വസ്ത്രം, ഡെക്കറേഷൻസ്, സ്റ്റുഡിയോ, ഫൊട്ടോഗ്രഫി, വിഡിയോഗ്രഫി, ഇവന്റ് മാനേജ്മെന്റ്,
ഗിഫ്റ്റ് പാക്കിങ്, ജ്വല്ലറി ഡിസൈൻ, വെബ് ഡിസൈൻ, പ്രോജക്ട് ഡിസൈൻ, മാനേജ്മെന്റ് സർവീസ്, വിവർത്തനം,
കലിഗ്രഫി, ഡ്രോയിങ്, സ്റ്റാറ്റിസ്റ്റിക്കൽ കൺസൽറ്റേഷൻ, അഗ്രികൾചറൽ ഗൈഡൻസ്, മാർക്കറ്റിങ് ഓപ്പറേഷൻസ് മാനേജ്മെന്റ്,
കംപ്യൂട്ടർ ഹാർഡ് വെയർ, സോഫ്റ്റ് വെയർ, റിയൽ എസ്റ്റേറ്റ്, ലീഗൽ കൺസൽറ്റൻസി, പബ്ലിക് റിലേഷൻസ്, ക്വാളിറ്റി മാനേജ്മെന്റ്,
പെസ്റ്റ് കൺട്രോൾ, പ്രോജക്ട് ഡവലപ്മെന്റ്, പ്രൊക്യൂർമെന്റ്, ടെക്നിക്കൽ ഇൻസ്റ്റലേഷൻസ്, ഗ്രീൻ ബിൽഡിങ്, ഇൻഫർമേഷൻ ടെക്നോളജി,
ഇക്കണോമിക് ഫീസിബിലിറ്റി സ്റ്റഡീസ്, എച്ച്ആർ, ടൂറിസം, ഹെറിറ്റേജ്, എന്റർടെയ്ൻമെന്റ്, അഡ്മിനിസ്ട്രേറ്റീവ് സ്റ്റഡീസ്,
ഫുഡ് സേഫ്റ്റി, ഗുഡ്സ് ഡിസൈൻ, ഫൈൻ ആർട്, ആർക്കിടെക്ചറൽ ഡ്രോയിങ്, മറൈൻ സർവീസ്, ലൈഫ്സ്റ്റൈൽ ഡവലപ്മെന്റ്,
മാർക്കറ്റിങ് സ്റ്റഡീസ്, പാർലമെന്ററി സ്റ്റഡീസ്, ഊർജം, ബഹിരാകാശം എന്നീ മേഖലകളിലെ ബാങ്കിങ് ആൻഡ് മാർക്കറ്റിങ് സർവീസ്,
ലോജിസ്റ്റിക് കൺസൽറ്റേഷൻ, ആർട്ട് വർക്സ്, കൊത്തുപണി, കരകൗശല വസ്തുക്കൾ, പ്രിന്റിങ്, ഫോട്ടോകോപ്പി,
ഗാർഡനിങ്, ലാൻഡ് സ്കേപിങ്, വസ്ത്രങ്ങളിലെ പ്രിന്റിങ്, പ്ലാസ്റ്ററിങ്, എൻഗ്രേവിങ്, ഡക്കറേഷൻ, സോപ്പ് മേക്കിങ്.
എന്നിവയുമായി ബന്ധപ്പെട്ട മേഖലകളില്‍ കഴിവുണ്ടായിരിക്കുകയും അതുമായി ബന്ധപ്പെട്ട സ്‌കില്‍ സര്‍ട്ടിഫിക്കറ്റ് സമര്‍പ്പിക്കുകയും ചെയ്താല്‍ ഫ്രീലാന്‍സ് ലൈസന്‍സ് നേടിയെടുക്കാം..