ഇപ്പോഴത്തെ കല്യാണം എന്നു പറഞ്ഞാൽ സേവ് ദി ഡേറ്റ് വിട്ട് വേറെ കളിയില്ല. പല സേവ് ദി ഡേറ്റ് വിഡിയോകളും ചിത്രങ്ങളും വിവാങ്ങൾ സൃഷ്ടിക്കുമ്പോൾ വന്ന വഴി മറക്കാത്ത ഒരു ഗൾഫുകാരന്റെ സേവ് ദ് ഡേറ്റ് എങ്ങനെയിരിക്കും. ഗൾഫിലേക്ക് പോകും മുമ്പ് റോബിൻ ഓട്ടോറിക്ഷ ഡ്രൈവറായി ജോലി ചെയ്യുകയുണ്ടായി. എന്നാൽ നാട്ടിലെത്തി ഒരു കല്യാണം കഴിച്ച് സെറ്റിൽ ആകാമെന്നു കരുതിയപ്പോൾ വ്യത്യസ്തമായ ഒരു സേവ് ദ് ഡേറ്റ് വേണമെന്ന് റോബിന് ഒരു ആഗ്രഹം. ഓട്ടോറിക്ഷ ഡ്രൈവർ ആയാലോ എന്നായിരുന്നു ഫൊട്ടോഗ്രഫറുടെ ചോദ്യം. മുൻപ് കുറച്ചുകാലം ചെയ്തിട്ടുള്ള ജോലി ആയതിനാൽ റോബിന്‍ ഉടൻ തന്നെ സമ്മതം മൂളുകയുണ്ടായി. അങ്ങനെയാണ് ഓട്ടോറിക്ഷ ഡ്രൈവർമാരുടെ പ്രണയം സേവ് ദ് ഡേറ്റ് വരെ എത്തിയത്.

മുണ്ടക്കയം സ്വദേശികളായ റോബിനും അനിലയുമാണ് ഓട്ടോറിക്ഷ ഡ്രൈവർമാരായി മാറിയത്. ആത്രേയ ഫൊട്ടോഗ്രഫിയിലെ ജിബിനെയാണ് സേവ് ദ് ‍ഡേറ്റിനായി സമീപിച്ചത് തന്നെ. പഠിക്കുന്ന സമയത്ത് റോബിന്റെ വരുമാന മാർഗങ്ങളിൽ ഒന്നായിരുന്നു ഓട്ടോറിക്ഷ. ആ പഴയ ഓർമകൾ പകർത്താം എന്നതായിരുന്നു ജിബിന്റെ ആശയം കേട്ടപ്പോൾ റോബിൻ ചിന്തിച്ചത്. അനിലയും പൂർണ സമ്മതം അറിയിച്ചതോടെ ഓട്ടോ ഡ്രൈവര്‍മാരുടെ പ്രണയം തളിരിട്ടു.