കോവിഡ് നിയന്ത്രണങ്ങള്‍ക്ക് ശേഷം വീണ്ടും അനധികൃതമായി രാജ്യത്ത് തങ്ങുന്നവരെ പിടികൂടി സൗദി. നിയമലംഘകരെ പിടികൂടുന്നതിനായി പരിശോധന കര്‍ശനമാക്കിയിരിക്കുകയാണ് ആഭ്യന്തര മന്ത്രാലയം. ഇതുവരെ നടത്തിയ പരിശോധനയില്‍ നിന്നായി ആയിരക്കണക്കിന് പേര്‍ പിടിയിലായതായാണ് മന്ത്രാലയം അറിയിച്ചിരിക്കുന്നത്.

താമസ കാലാവധി അവസാനിച്ചവര്‍, ഗാര്‍ഹിക വിസയില്‍ രാജ്യത്തെ ജോലികളില്‍ ഏര്‍പ്പെട്ടിരിക്കുന്നവര്‍ എന്നിവരെയാണ് പ്രധാനമായും പരിശോധനയില്‍ പിടികൂടുന്നത്. റിയാദ്, ജിദ്ദ, ദമ്മാം, പ്രവിശ്യകളില്‍ നടത്തിയ പരിശോധനയില്‍ ആയിരക്കണക്കിന് വിദേശികളാണ് പിടിയിലായിരിക്കുന്നത്. അറസ്റ്റിലായവരെ പെട്ടെന്ന് തന്നെ നാടുകടത്താനുള്ള നടപടിക്രമങ്ങള്‍ പുരോഗമിക്കുകയാണ്.