താമസക്കാരെ തിരയുകയാണ് ഒരു ഗ്രാമം; തിരഞ്ഞെടുക്കപ്പെടുന്ന ആളുകള്ക്ക് ഇവിടെ താമസിക്കാന് നൽകുന്നത് 7,39,250 രൂപ, പ്രവാസികൾക്ക് ഒരു സന്തോഷ വാർത്ത
കൊറോണ വ്യാപനം നൽകിയ പ്രതിസന്ധികൾ മറികടക്കാൻ വിദേശ രാജ്യങ്ങളെ ആശ്രയിക്കുകയാണ് പലരും. അതിനു മുന്നേ തന്നെ പ്രവാസലോകത്തേക്ക് കുടിയറിയവരും അനവധിയാണ്. അത്തരം ഒരു സാഹചര്യത്തിൽ ജോലിക്കൊപ്പം നിങ്ങൾക്ക് താമസിക്കാൻ പൈസ കിട്ടിയാലോ? എന്താകും എന്നല്ലേ... യുഎസിലെ ഒക്ലഹോമയിലെ തുള്സ എന്ന നഗരം ഒരു വര്ഷമായി താമസക്കാരെ തിരയുകയാണ്. തിരഞ്ഞെടുക്കപ്പെടുന്ന ആളുകള്ക്ക് ഇവിടെ താമസിക്കാന് 10,000 ഡോളര് അതായത് ഏകദേശം 7,39,250 രൂപ നല്കുന്നുണ്ടെന്നാണ് റിപ്പോര്ട്ട്.
2018 നവംബറില് ആരംഭിച്ച തുള്സ റിമോട്ട് പ്രോഗ്രാമിന്റെ ഭാഗമാണ് പുതിയ പദ്ധതി എന്നാണ് റിപ്പോര്ട്ടുകൾ പറയുന്നത്. ജോര്ജ്ജ് കൈസര് ഫാമിലി ഫൗണ്ടേഷനാണ് തുള്സ റിമോട്ട് പ്രോഗ്രാമിന് പിന്നില് പ്രവർത്തിക്കുന്നത്. തുള്സ റിമോട്ട് ഔദ്യോഗിക വെബ്സൈറ്റ് പ്രകാരം അടുത്ത ആറ് മാസത്തിനുള്ളില് മാറാന് തയ്യാറായ 250 വിദൂര തൊഴിലാളികളെ നഗരത്തില് പാര്പ്പിക്കുന്നതാണ്. എന്നാൽ ഇവര് 18 വയസ്സിന് മുകളിലുള്ളവരും യുഎസില് ജോലി ചെയ്യാന് യോഗ്യരുമായിരിക്കണമെന്നാണ് നിബന്ധന.
അതോടൊപ്പം തന്നെ 10,000 ഡോളര് ഓരോ പുതിയ താമസക്കാര്ക്ക് ലഭ്യമാക്കും. ഇതില് സ്ഥലമാറ്റത്തിന്റെയും സ്റ്റൈപെന്ഡിന്റെ തുകയും ഉള്പ്പെടുന്നു. ഇതുകൂടാതെ, കുറച്ച് തുക റിസര്വ് ചെയ്യുകയും വര്ഷം പൂര്ത്തിയായതിന് ശേഷം നല്കുകയും ചെയ്യുന്നതാണ്. പുതിയ താമസക്കാര്ക്ക് 36 ഡിഗ്രി നോര്ത്ത് കോ-വര്ക്കിംഗ് സ്പേസിലേക്ക് അംഗത്വം ലഭിക്കുന്നതാണ്, അതോടൊപ്പം നഗരത്തില് ഒരു അപ്പാര്ട്ട്മെന്റ് കണ്ടെത്തി നല്കും.
https://www.facebook.com/Malayalivartha
