പ്രവാസികള്ക്ക് വന് ഓഫറുകളുമായി നോര്ക്കാ റൂട്സ്; മടങ്ങിയെത്തിയ പ്രവാസികള്ക്ക് നോര്ക്ക റൂട്സിന്റെ നേതൃത്വത്തില് വന് വായ്പാ വാഗ്ദാനമാണ് നൽകുന്നത്, വായ്പകള്ക്ക് അര്ഹരായ സംരഭകര്ക്ക് തത്സമയം വായ്പ നിബന്ധനകളോടെ അനുവദിക്കുകയും അഭിരുചി ഉള്ളവര്ക്ക് മാര്ഗനിര്ദേശങ്ങള് നല്കുകയും ചെയ്യും
കൊറോണ വ്യാപനത്തിന് പിന്നാലെ നാട്ടിലെത്തിയ പ്രവാസികൾക്ക് കൈത്താങ്ങായി നോർക്ക റൂട്സ്. നിരവധി പ്രവാസികളാണ് ദുരിതപൂർണമായ ജീവിതത്തിൽ നിന്നും നാടിൻറെ തണലിലേക്ക് അണഞ്ഞത്. മാത്രമല്ല നിലവായിൽ സ്വദേശിവത്കരണവും പ്രവാസികളെ ഏറെ ആശങ്കയിലാഴ്ത്തുന്നു. എന്നാൽ ആശങ്കപ്പെടാതിരിക്കാൻ പ്രവാസികൾക്ക് പുതു അവസരം. കേരളത്തിലേക്ക് പ്രവാസി പുനരധിവാസ പദ്ധതി അതായത് എന്ഡിപിആര്ഇഎം പ്രകാരം മടങ്ങിയെത്തിയ പ്രവാസികള്ക്ക് നോര്ക്ക റൂട്സിന്റെ നേതൃത്വത്തില് വന് വായ്പാ വാഗ്ദാനമാണ് നൽകുന്നത്. കാനറാ ബാങ്ക്, സെന്റര് ഫോര് മാനേജ്മെന്റ് ഡെവലപ്മെന്റ് എന്നിവരുടെ സഹകരണത്തോടെ വായ്പാ നിര്ണയ ക്യാമ്പും സംരംഭകത്വ പരിശീലനവും നല്കുമെന്നും അതികൃതർ വ്യക്തമാക്കി.
രണ്ട് വര്ഷമെങ്കിലും വിദേശത്ത് ജോലി ചെയ്ത ശേഷം സ്ഥിരമായി മടങ്ങിയെത്തിയ പ്രവാസികള്ക്ക് തുടങ്ങാവുന്ന സംരംഭങ്ങളെ പരിപാടിയില് പരിചയപ്പെടുത്തുകയും ചെയ്യുമെന്നും റിപ്പോർട്ട്. ജനുവരി 13 ന് രാവിലെ 10 ന് കാഞ്ഞങ്ങാട് വ്യാപാരഭവനിലും 14 ന് തലശ്ശേരി മുന്സിപ്പല് ടൗണ് ഹാളിലും ജനുവരി 20 ന് രാവിലെ പേരാമ്പ്ര, ചേമ്പ്ര റോഡിലെ സുരഭി അവന്യൂ ഓഡിറ്റോറിയത്തിലും 27 ന് തിരൂര് മുനിസിപ്പല് ടൗണ് ഹാളിലും ജനുവരി 28 ന് മലപ്പുറം ജില്ലാ പഞ്ചായത്ത് ഹാളിലും രാവിലെ 10 മുതല് ക്യാമ്പ് സംഘടിപ്പിക്കുന്നതായിരിക്കും. നോർക്ക റൂട്സിന്റെ വെബ്സൈറ്റിൽ ഇത് ലഭ്യമാണ്.
അതേസമയം വായ്പകള്ക്ക് അര്ഹരായ സംരഭകര്ക്ക് തത്സമയം വായ്പ നിബന്ധനകളോടെ അനുവദിക്കുകയും അഭിരുചി ഉള്ളവര്ക്ക് മാര്ഗനിര്ദേശങ്ങള് നല്കുകയും ചെയ്യും. ഇതിനായി സര്ക്കാര് മാനേജ്മെന്റ് സ്ഥാപനമായ സിഎംഡിയുടെ സേവനം ലഭ്യമാക്കുമെന്നും അധികൃതർ വ്യക്തമാക്കി.
സംരംഭകര്ക്ക് മൂലധന, പലിശ സബ്സിഡികള് ലഭ്യമാക്കുന്ന പദ്ധതിയില് സംരഭകരാകാൻ താത്പര്യമുള്ളവര് നോര്ക്ക റൂട്സിന്റെ www.norkaroots.org വെബ്സൈറ്റില് NDPREM ഫീല്ഡില് പാസ്പോര്ട്ട്, പദ്ധതിയുടെ വിവരണം, അപേക്ഷകന്റെ ഫോട്ടോ എന്നിവ അപ്ലോഡ് ചെയ്ത് മുന്കൂര് രജിസ്റ്റര് ചെയ്യേണ്ടതാണ്. തുടങ്ങാന് ഉദ്ധേശിക്കുന്ന പദ്ധതിയുടെ അടങ്കല് തുക ഉള്പ്പെടെയുള്ള ലഘു വിവരണവും രണ്ട് വര്ഷം വിദേശവാസം തെളിയിക്കുന്ന പാസ്പോര്ട്ട്, റേഷന് കാര്ഡ്, ആധാര് കാര്ഡ്, പാന് കാര്ഡ് എന്നിവയുടെ അസലും പകര്പ്പും, മൂന്ന് പാസ്പോര്ട്ട് സൈസ് ഫോട്ടോയും സഹിതം ക്യാമ്പില് പങ്കെടുക്കാന് വരുന്ന ദിവസം കൊണ്ടുവണമെന്ന് അധികൃതർ പ്രത്യേകം ഓര്മപ്പെടുത്തുകയും ചെയ്തു.
അതോടൊപ്പം തന്നെ പൂര്ണമായും കൊവിഡ് പ്രോട്ടോക്കോള് പാലിച്ചായിരിക്കും ക്യാമ്പ് നടത്തുക. കൂടുതല് വിവരങ്ങള്ക്ക് സിഎംഡിയുടെ സഹായ കേന്ദ്രം (8590602801), നോര്ക്ക റൂട്സിന്റെ ടോള് ഫ്രീ നമ്പറായ 1800 425 3939 (ഇന്ത്യയില് നിന്നും) 00918802012345 (വിദേശത്ത് നിന്നും) (മിസ്ഡ് കാള് സേവനം) കോഴിക്കോട്- 0495- 2304882/ 2304885, മലപ്പുറം- 0483 2732922, കണ്ണൂര്- 0497 2765310, കാസര്കോഡ്- 0499 4257827 എന്നീ നമ്പറുകളിലും ലഭിക്കും.
https://www.facebook.com/Malayalivartha
