കോവിഡ് മഹാമാരിയെ നേരിടാൻ യു.എ.ഇയിൽ ശക്തമായ മുന്നേറ്റം... കോവിഡ് വാക്സിനേഷൻ സ്വീകരിച്ചവരുടെ എണ്ണം എട്ട് ലക്ഷത്തി എൺപത്തി ഏഴായിരം കടന്നു കഴിഞ്ഞ ഡിസംബർ 23 നു 84-കാരനായ അൽ സലേം അൽ അലാദീദിയാണ് ആദ്യ ഡോസ് സ്വീകരിച്ചത്..
കോവിഡ് മഹാമാരിയെ നേരിടാൻ യു.എ.ഇയിൽ ശക്തമായ മുന്നേറ്റം... കോവിഡ് വാക്സിനേഷൻ നടപടികൾ ഊർജിതമായി തുടരുന്നു . ഇപ്പോൾ തന്നെ വാക്സിൻ സ്വീകരിച്ചവരുടെ എണ്ണം എട്ട് ലക്ഷത്തി എൺപത്തി ഏഴായിരം കടന്നു കഴിഞ്ഞു . റഷ്യയുടെ സ്ഫുട്നിക്ക് വാക്സിന്റെ മൂന്നാംഘട്ട പരീക്ഷണത്തിനും യു.എ.ഇയിൽ തുടക്കമായി.
കഴിഞ്ഞ ഡിസംബർ 23 നു 84-കാരനായ അൽ സലേം അൽ അലാദീദിയാണ് ആദ്യ ഡോസ് സ്വീകരിച്ചത് . അന്നുമുതൽ ആരംഭിച്ച വാക്സിൻ യഞ്ജത്തിന്റെ ഭാഗമായി ഇതുവരെ 887,696 പേർ വാക്സിൻ സ്വീകരിച്ചു
കഴിഞ്ഞ 24 മണിക്കൂറിനിടെ 60000 പേർക്കാണ് യു.എ.ഇ കോവിഡ് വാക്സിൻ നൽകിയത്. . റഷ്യയുടെ സ്ഫുട്നിക് വാക്സിന്റെ മൂന്നാംഘട്ട ക്ലിനിക്കൽ പരീക്ഷണം അബൂദബിയിൽ ആരംഭിച്ചു. ആദ്യഘട്ടത്തിൽ സന്നദ്ധരായി എത്തുന്ന 500 പേരിലാണ് റഷ്യൻ വാക്സിൻ പരീക്ഷിക്കുന്നത്. ഇവർ 18 വയസ് പിന്നിട്ടവരും ആരോഗ്യമുള്ളവരുമായിരിക്കണം. കഴിഞ്ഞ രണ്ടാഴ്ചക്കിടെ മറ്റ് രോഗങ്ങളുണ്ടായിരിക്കരുത്. മറ്റു വാക്സിനുകൾ കുത്തിവെക്കാത്തവരുമായിരിക്കണം.
ഇന്ന് 2,950 പേർക്ക് കൂടി യു.എ.ഇയിൽ കോവിഡ് സ്ഥീരികരിച്ചു. മൂന്ന് മരണവും സ്ഥിരീകരിച്ചു. മരണസംഖ്യ ഇതോടെ 697 ആയി. 2,218 പേർക്ക് ഇന്ന് രോഗം ഭേദമായി. മൊത്തം രോഗബാധിതർ 224,704 ലെത്തിയപ്പോൾ രോഗമുക്തർ 201,396 ആയി. നിലവിൽ 22,611 പേരാണ് കോവിഡിന് ചികിൽസയിൽ കഴിയുന്നത്
കുവൈത്തിൽ 495 പേർക്ക് കൂടി കോവിഡ് സ്ഥിരീകരിച്ചു. ഇതോടെ മൊത്തം രോഗബാധിതരുടെ എണ്ണം 1,53,473 (ഒരു ലക്ഷത്തി അന്പത്തിമൂന്നായിരത്തി നാനൂറ്റി എഴുപത്തി മൂന്ന് )ആയി. 244 പേർ രോഗമുക്തരായി......
ബഹ്റൈനിൽ 349 പേർക്ക് കോവിഡ് സ്ഥിരീകരിച്ചു. 199 പേർ രോഗമുക്തരായി. 2650 പേർ ചികിത്സയിലാണ്. 12 പേരുടെ സ്ഥിതി ഗുരുതരമാണ്. വെള്ളിയാഴ്ച മരണം റിപ്പോർട്ട് ചെയ്തിട്ടില്ല. ആകെ മരണസംഖ്യ 353 ആണ്. 91,630 (തൊണ്ണൂറ്റി ഒന്നായിരത്തി അറുനൂറ്റി മുപ്പത് ) പേർ ഇതുവരെ രോഗമുക്തരായി.....
സൗദിയിൽ 97 പേർക്കാണ് കോവിഡ് റിപ്പോർട്ട് ചെയ്തത്. നാലുപേർ മരിച്ചു. കഴിഞ്ഞ എട്ടുമാസത്തിനിടയിലെ ഏറ്റവും കുറഞ്ഞ മരണനിരക്കാണിത്. 171 പേർ കോവിഡ് മുക്തരായി .ഇതോടെ രോഗമുക്തി നേടിയവരുടെ ആകെ എണ്ണം 3,55,208(മൂന്നു ലക്ഷത്തി അമ്പത്തഞ്ചായിരത്തി ഇരുനൂറ്റി എട്ട് ) ആയി. രോഗം ബാധിച്ചവരുടെ എണ്ണം 3,63,582 (മൂന്നു ലക്ഷത്തി അറുപത്തി മുവ്വായിരത്തി അഞ്ഞൂറ്റി എൺപത്തി രണ്ട് ) ആണ്. ഇതുവരെ 6282 പേർ മരിച്ചു, നിലവിൽ ചികിത്സയിലുള്ളത് 2092 പേരാണ്....
ഖത്തറിൽ 195 പേർക്ക് രോഗം സ്ഥിരീകരിച്ചു. 139 പേർ രോഗമുക്തരായി. 1,45,465 പേർക്ക് ഇതുവരെ രോഗം സ്ഥിരീകരിച്ചു. 1,42,453 പേർ രോഗമുക്തരായി. വെള്ളിയാഴ്ച ഒരു മരണവും റിപ്പോർട് ചെയ്തിരുന്നു.
വാക്സിനേഷൻ ഊർജിതമായ നിലയ്ക്ക് എത്രയും വേഗം രാജ്യം കോവിഡ് വിമുക്തമാകും എന്ന പ്രതീക്ഷയിലാണ് പ്രവാസികൾ
https://www.facebook.com/Malayalivartha