പതിനെട്ടിനും അറുപതിനും ഇടയില് പ്രായമുള്ള പ്രവാസികള്ക്കും വിദേശത്തുള്ള അവരുടെ കുടുംബാംഗങ്ങൾക്കും ആരോഗ്യ ഇൻഷുറൻസ്; രോഗങ്ങള്ക്ക് ഒരു ലക്ഷം രൂപവരെ ഇന്ഷുറന്സ് സംരക്ഷണം ലഭിക്കും
പ്രവാസികൾക്ക് ഏറെ ആശ്വാസം നൽകുന്ന വാർത്തയാണ് കേരളം മുഖ്യമന്ത്രി പങ്കുവയ്ക്കുന്നത്. പ്രവാസി സമൂഹം നേരിടുന്ന പ്രധാന പ്രശ്നങ്ങളിലൊന്നായ ആരോഗ്യ സംരക്ഷണത്തിനായി നോര്ക്ക റൂട്ട്സ് ആരോഗ്യ ഇന്ഷൂറന്സ് ഏര്പ്പെടുത്തി. പ്രവാസിരക്ഷ ഇന്ഷുറന്സ് പദ്ധതി എന്ന പേരിലാണ് ഇതു നടപ്പാക്കുന്നത്. മുഖ്യമന്ത്രിയാണ് ഇക്കാര്യം വ്യക്തമാക്കിയത്.
ഫേസ്ബുക്ക് കുറിപ്പിന്റെ പൂർണരൂപം ഇങ്ങനെ;
പ്രവാസി സമൂഹം നേരിടുന്ന പ്രധാന പ്രശ്നങ്ങളിലൊന്നാണ് ആരോഗ്യ സംരക്ഷണം. അക്കാര്യത്തിൽ അവർക്ക് സഹായമൊരുക്കുന്നതിനായി സംസ്ഥാന സർക്കാർ ആരോഗ്യ ഇൻഷുറൻസ് ഏർപ്പെടുത്തി. പ്രവാസികള്ക്കും വിദേശത്ത് അവരോടൊപ്പം കഴിയുന്ന കുടുംബാംഗങ്ങള്ക്കും വേണ്ടിയാണ് നോര്ക്ക റൂട്ട്സ് ആരോഗ്യ ഇന്ഷൂറന്സ് ഏര്പ്പെടുത്തിയിരിക്കുന്നത്. പ്രവാസിരക്ഷ ഇന്ഷുറന്സ് പദ്ധതി എന്ന പേരിലാണ് ഇതു നടപ്പാക്കുന്നത്.
പതിനെട്ടിനും അറുപതിനും ഇടയില് പ്രായമുള്ള പ്രവാസികള്ക്കും വിദേശത്തുള്ള അവരുടെ കുടുംബാംഗങ്ങൾക്കും പദ്ധതിയുടെ പരിരക്ഷ ലഭിക്കും. ഒരു വര്ഷത്തേക്ക് 550 രൂപയാണ് പ്രീമിയം അടയ്ക്കേണ്ടത്. രോഗങ്ങള്ക്ക് ഒരു ലക്ഷം രൂപവരെ ഇന്ഷുറന്സ് സംരക്ഷണം ലഭിക്കും. ന്യൂ ഇന്ത്യ അഷ്വറന്സ് കമ്പനിയുമായി ചേര്ന്നാണ് പദ്ധതി നടപ്പാക്കുന്നത്.
നോര്ക്ക റൂട്സിന്റെ www.norkaroots.og എന്ന വെബ്സൈറ്റിലെ സര്വ്വീസ് വിഭാഗത്തില് പ്രവാസി ഐഡി കാര്ഡ് സെക്ഷനില് നിന്നും ഈ പദ്ധതിയില് ഓണ്ലൈനായി ചേരാം. ഫീസും ഓണ്ലൈനായി അടയ്ക്കാം. പ്രവാസിരക്ഷ ഇന്ഷുറന്സിന്റെ പ്രയോജനം എല്ലാ പ്രവാസികളും പ്രയോജനപ്പെടുത്തണമെന്ന് അഭ്യർത്ഥിക്കുന്നു .
https://www.facebook.com/Malayalivartha
