സ്വന്തമാക്കിയത് 29.74 കോടി രൂപ... തൊട്ടതെല്ലാം പൊന്നാക്കിപ്രവാസി മലയാളികള് കോടികള് നേടിയതിങ്ങനെ
പ്രവാസി മലയാളികള്ക്ക് ഇത് ചാകരക്കാലമാണോ എന്ന് സംശയം തോന്നും പ്രവാസ ലോകത്ത് നിന്നുള്ള വാര്ത്തകള് കേട്ടാല്. ബിഗ് ടിക്കറ്റ് നറുക്കെടുപ്പിലും ഭാഗ്യം മലയാളിക്ക്.
ഖത്തറില് താമസിക്കുന്ന കണ്ണൂര് സ്വദേശിനി തസ് ലീന പുതിയപുരയിലിനു 29.74 കോടി രൂപ കൃത്യമായി പറഞ്ഞാല് 1.5 കോടി ദിര്ഹം സമ്മാനം ലഭിച്ചു. ഇന്ന് നടന്ന ദുബായ് ഡ്യൂട്ടി ഫ്രീ നറുക്കെടുപ്പില് എറണാകുളം മുളന്തുരുത്തി സ്വദേശി സൂരജ് അനീദ് ഏഴു കോടിയിലേറെ രൂപ സമ്മാനം നേടിയതിന് പിന്നാലെയാണ് ഇത്.
ഖത്തറില് റസ്റ്ററന്റ് നടത്തുന്ന അബ്ദുല് ഖദ്ദാഫിയുടെ ഭാര്യയും 3 മക്കളുടെ അമ്മയുമാണ് തസ് ലീന. ആദ്യമായാണ് ടിക്കറ്റെടുക്കുന്നതെന്നും സമ്മാനമടിച്ചത് വിശ്വസിക്കാനായില്ലെന്നും പറഞ്ഞു.
നേരത്തെ 10 വര്ഷത്തോളം ദുബായില് പ്രവാസിയായിരുന്ന യുവതി ജനുവരി 26നായിരുന്നു ഓണ്ലൈനിലൂടെ 291310 നമ്പര് ടിക്കറ്റെടുത്തത്. ഒരു സുഹൃത്ത് പറഞ്ഞതനുസരിച്ചാണ് ബിഗ് ടിക്കറ്റ് നറുക്കെടുപ്പിനെക്കുറിച്ച് അറിഞ്ഞത്. എന്നാല്, ആദ്യ പരീക്ഷണം തന്നെ ഭാഗ്യം കൊണ്ടുവന്നതില് അതിയായ സന്തോഷമുണ്ട്. ഇന്നലെ നടന്ന നറുക്കെടുപ്പ് പക്ഷേ, തത്സമയം കണ്ടിരുന്നില്ല.
സമ്മാനത്തുകയില് നിന്ന് മക്കളുടെ വിദ്യാഭ്യാസത്തിന് വേണ്ടി ഉപയോഗിക്കും. മറ്റു കാര്യങ്ങള് തീരുമാനിച്ചിട്ടില്ല. രണ്ടാം സമ്മാനമായ 3.5 ലക്ഷം ദിര്ഹം ജോലി നഷ്ടപ്പെട്ട പ്രേം മോഹന് മത്രത്തിലിനു ലഭിച്ചു. ജനുവരി 26നായിരുന്നു ഇവരുടെ ജോലി നഷ്ടപ്പെട്ടത്.
"
https://www.facebook.com/Malayalivartha