യൂസഫലി പൊളിച്ചു..ഇനി പെണ്ണുങ്ങള് നയിക്കും..സൗദിയില് ലുലുവിന്റെ നിര്ണായക നീക്കം..ഇന്ത്യാക്കാര്ക്ക്, മലയാളികള്ക്ക് അഭിമാന നിമിഷം
ഇന്ത്യാക്കാര്ക്ക്, മലയാളികള്ക്ക് അഭിമാന നിമിഷം. സൗദിയില് ലുലുവിന്റെ നിര്ണായക നീക്കം. യൂസഫലി പൊളിച്ചു. ഇനി പെണ്ണുങ്ങള് നയിക്കും
ജോലിക്കാരായി വനിതകള് മാത്രം. ലുലുവിന്റെ പുതിയ ചുവടുവയ്പ്പ് ജിദ്ദയില്. ലുലു ഗ്രൂപ്പിന്റെ 201മത് സ്റ്റോര് സൗദി അറേബ്യയിലെ ജിദ്ദയില് പ്രവര്ത്തനമാരംഭിച്ചു. വിഷന് 2030 നടപ്പാക്കുന്നതിന്റെ ഭാഗമായി സൗദി വനിതകള് മാത്രം ജീവനക്കാരായുള്ള ലുലു ഗ്രൂപ്പിന്റെ ആദ്യ സംരംഭം എന്ന പ്രത്യേകതയും ഇതിനുണ്ട്.
മഹാ മുഹമ്മദ് അല് ഖര്നി ജനറല് മാനേജരായ പുതിയ ലുലു സ്റ്റോറില് നൂറിലധികം വനിതകളാണ് ജീവനക്കാരായുള്ളത്. ജിദ്ദ അല് ജാമിയ കിംഗ് അബ്ദുള് അസീസ് യൂണിവേഴ്സിറ്റിക്ക് സമീപം 37,000 ചതുരശ്രയടി വിസ്തീര്ണ്ണത്തിലുള്ളതാണ് സൗദിയിലെ ഇരുപതാമത്തെതു കൂടിയായ പുതിയ ലുലു എക്സ്പ്രസ് സ്റ്റോര്. സ്ത്രീ ശാക്തീകരണത്തിന് ഊന്നല് നല്കുന്ന സൗദി ഭരണകൂടത്തിന്റെ ദീര്ഘവീക്ഷണമുള്ള നയങ്ങളോടുള്ള തങ്ങളുടെ പ്രതിബദ്ധതയാണിതെന്ന് ലുലു ഗ്രൂപ്പ് ചെയര്മാന് എം.എ. യൂസഫലി പറഞ്ഞു.
സ്ത്രീശാക്തീകരണത്തിനുതകുന്ന ഈ തീരുമാനം കൂടുതല് സ്വദേശി സ്ത്രീകള്ക്ക് പുതിയ അവസരങ്ങള് നല്കാന് സഹായകരമാകുമെന്നും അദ്ദേഹം പറഞ്ഞു. സൗദി അറേബ്യയിലെ ആദ്യത്തെ സ്ത്രീ കേന്ദ്രീകൃതമായ ലുലു മാര്ക്കറ്റിന്റെ ഭാഗമാകാന് കഴിഞ്ഞതില് അതിയായ സന്തോഷമുണ്ടെന്ന് ജനറല് മാനേജര് മഹാ മുഹമ്മദ് അല് ഖര്നി പറഞ്ഞു.
രാജ്യത്തിന്റെ പുരോഗതിയില് സജീവ പങ്കുവഹിക്കുകയും അതിലൂടെ അവരുടെ കഴിവുകള് പ്രകടിപ്പിക്കാന് ലക്ഷ്യമിടുകയും ചെയ്യുന്ന സൗദി വനിതകളുടെ വര്ധിച്ചുവരുന്ന സമൂഹത്തെ പ്രതിനിധീകരിക്കാനായത് വലിയ അംഗീകാരമായാണ് കാണുന്നതെന്നും മഹാ മുഹമ്മദ് പറഞ്ഞു.
800ലധികം വനിതകള് ഉള്പ്പെടെ 3000ല് അധികം സ്വദേശികളാണ് ഇപ്പോള് സൗദി ലുലുവിന്റെ ഭാഗമായുള്ളതെന്ന് ലുലു സൗദി ഡയറക്ടര് ഷെഹീം മുഹമ്മദ് പറഞ്ഞു. സൗദി വനിതകളുടെ സാമ്പത്തിക പങ്കാളിത്തം ഉറപ്പാക്കുന്നതിനായി കൂടുതല് സ്വദേശി വനിതകള്ക്ക് അവസരങ്ങള് നല്കാനാണ് ലക്ഷ്യമിടുന്നതെന്നും ഷെഹിം കൂട്ടിച്ചേര്ത്തു.
https://www.facebook.com/Malayalivartha
