കോവിഡ് ബാധിച്ച് ഒമാനില്‍ മലയാളി നഴ്‌സ് മരിച്ചു. കോഴിക്കോട് കൂരാച്ചുണ്ട് സ്വദേശിനി രമ്യ റജുലാണ് മരിച്ചത്. റുസ്താഖ് ആശുപത്രിയില്‍ ജോലി ചെയ്തിരുന്ന രമ്യ കോവിഡ് ബാധിച്ച് വെന്റിലേറ്ററിലായിരുന്നു.

കോഴിക്കോട് ബാലുശേരി സ്വദേശി റജുലാലാണ് ഭര്‍ത്താവ്. ഒരു മകളുണ്ട്. കോഴിക്കോട് ഇഖ്‌റ ആശുപത്രിയിലും സേവനമനുഷ്ഠിച്ചിട്ടുണ്ട്.

അതേസമയം കുവൈത്ത് പ്രവാസി നാട്ടില്‍ കോവിഡ് ബാധിച്ച് മരിച്ചു. പാലക്കാട് കുമരനെല്ലൂര്‍ ടൗണിലെ പാടം റോഡിന് സമീപം താമസിക്കുന്ന ചുള്ളിലവളപ്പില്‍ മമ്മു (ഉണ്ണി 62) ആണ് മരിച്ചത്. എറണാകുളത്തെ സ്വകാര്യ ആശുപത്രിയില്‍ ചികിത്സയിലായിരുന്നു.

മംഗഫില്‍ റസ്റ്റാറന്റ് നടത്തിവരുകയായിരുന്നു. ഭാര്യ: സഫിയ. മക്കള്‍: സബീന, ഷമീര്‍, സമീന, സജാദ്. മരുമക്കള്‍: ഷൗക്കത്ത് (പുത്തന്‍പള്ളി), ഷാഫി (പറക്കുളം), സുജിത, സഫീദ.