പ്രവാസികളെ പറയിപ്പിക്കാന്... ഫേസ്ബുക്ക് സുഹൃത്തായ കൗമാരക്കാരിയുമായി ലൈംഗികബന്ധത്തിലേര്പ്പെട്ട ഇന്ത്യക്കാരന് സിങ്കപ്പൂരില് തടവിലായി
ഒരുത്തന് ചെയ്യുന്ന പാപകര്മ്മത്തിന്ഫലം പരക്കെയുള്ള മഹാജനങ്ങള്ക്കൊക്കെ തട്ടും എന്നു കേട്ടിട്ടില്ലേ. അതാണ് സിങ്കപ്പൂരിലും നടന്നത്. ഇന്ത്യക്കാരെ മൊത്തത്തില് പറയിപ്പിക്കാനായി ഒരുത്തന് തയ്യാറായി വന്നാല് എന്തു ചെയ്യും.
പ്രായപൂര്ത്തിയാകാത്ത പെണ്കുട്ടിയുമായി ലൈംഗികബന്ധത്തിലേര്പ്പെട്ട ഇന്ത്യന് പൗരന് സിങ്കപ്പൂര് കോടതി ജയില്ശിക്ഷയ്ക്ക് വിധിച്ചു. ഐ.ടി ഉദ്യോഗസ്ഥനായ ദരെ സച്ചിന് പ്രവീണ് എന്ന മുപ്പത്തിയൊമ്പതുകാരനാണ് ചൊവ്വാഴ്ച 20 മാസം നീണ്ട തടവുശിക്ഷ ലഭിച്ചത്. ഫേസ്ബുക്ക് സുഹൃത്തായ പെണ്കുട്ടിയെ തന്റെ താമസസ്ഥലത്തു വിളിച്ചു വരുത്തിയ ഇയാള് ലൈംഗികബന്ധത്തിലേര്പ്പെടുകയായിരുന്നു. വിവാഹിതനായ ഇയാള് 2011ലാണ് ജോലിക്കായി സിങ്കപ്പൂരിലെത്തിയത്.
ഫേസ് ബുക്ക് വഴി ഇയാള് അയച്ച അശ്ലീല സന്ദേശങ്ങള് കണ്ടെത്തിയ പെണ്കുട്ടിയുടെ അമ്മായി കഴിഞ്ഞ വര്ഷം ഡിസംബര് 14ന് ഇയാള്ക്കെതിരെ പരാതി നല്കുകയായിരുന്നു. ഫേസ് ബുക്ക് സുഹൃത്തായ പെണ്കുട്ടിയോട് ലൈംഗികബന്ധത്തിലേര്പ്പെടുന്നതിനു മുമ്പ് വയസിനെക്കുറിച്ച് അന്വേഷിച്ചിരുന്നതായും എന്നാല് പ്രായപൂര്ത്തിയാകാത്ത കുട്ടി തനിക്ക് 16 വയസായതായി ഇയാളെ തെറ്റിദ്ധരിപ്പിക്കുകയായിരുന്നുവെന്നും പ്രതിയുടെ അഭിഭാഷകന് കോടതിയില് അറിയിച്ചു.
എന്നാല് പ്രായം സ്ഥിരീകരിക്കേണ്ട ഉത്തരവാദിത്വം പ്രതിയുടേതാണെന്ന് വ്യക്തമാക്കി വാദം തള്ളി കോടതി ഇയാള്ക്ക് 20 മാസത്തേക്ക് തടവുശിക്ഷ വിധിച്ചു. ഇത്തരം കേസുകളില് സാധാരണയായി പത്തു വര്ഷത്തോളം തടവും പിഴയുമാണ് ലഭിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha