സ്വന്തം കുട്ടികളെ തെരുവിൽ ഭിക്ഷാടനത്തിന് പറഞ്ഞയച്ചു കിട്ടിയ കാശുകൊണ്ട് സുഖ ജീവിതം നയിച്ച അമ്മമാർക്ക് തടവുശിക്ഷയും പിഴയും . ദുബായിൽ അറബ് വംശജരായ മൂന്നു സ്ത്രീകളാണ് സ്വന്തം മക്കളെ ഭിക്ഷാടനത്തിനു വിട്ടത് .

ആറ് മാസം തടവും 5000 ദിർഹം വിതം പിഴയുമാണ് ശിക്ഷ... ശിക്ഷാകാലാവധി പൂർത്തിയായാൽ ഇവരെ നാടുകടത്തും. ദുബൈ ക്രിമിനല്ൽ കോടതിയാണ് ശിക്ഷ വിധിച്ചത്

നായിഫ് പോലീസ് സ്റ്റേഷൻ അധികൃതർക്കാണ് തെരുവിൽ ഏതാണ്ട് എട്ട് വയസ്സ് തോന്നിക്കുന്ന ബാലൻ ഭിക്ഷ യാചിക്കുന്നതായി രഹസ്യവിവരം ലഭിച്ചത്. അറബ് വംശജനായ ഒരാളാണ് പൊലീസിച്ചു വിവരം വിളിച്ചുപറഞ്ഞത്

ഉടൻ സ്ഥലത്തെത്തിയ പോലീസ് കൂടെയുണ്ടായിരുന്ന ഈ കുട്ടിയുടെ അമ്മയെ പിടികൂടി. ഇവരാണ് വേറെയും സ്ത്രീകളും കുട്ടികളും സംഘത്തിലുണ്ടെന്ന് പോലീസിന് വിവരം നൽകിയത്. മറ്റ് രണ്ട് സ്ത്രീകൾക്കും അവരുടെ കുട്ടികൾക്കും ഒപ്പമാണ് ഇവർ യുഎഇയിലെത്തിയത് എന്നാണു ഇവർ പോലീസിനോട് പറഞ്ഞത് . ഈ മൂന്ന് സ്ത്രീകളും അവരുടെ മക്കളെ ഭിക്ഷാടനത്തിന് വേണ്ടി ഉപയോഗിച്ച് അതുവഴി ചെലവിനുള്ള പണം കണ്ടെത്തുകയായിരുന്നു

തുടര്‍ന്ന് രാജ്യം വിടാന്‍ ശ്രമിക്കുന്നതിനിടെ മറ്റ് രണ്ടുപേരെ ദുബൈ അന്താരാഷ്ട്ര വിമാനത്താവളത്തില്‍ നിന്ന് പിടികൂടുകയായിരുന്നു. അറസ്റ്റിലായ മൂന്നുപേരും കുറ്റം സമ്മതിച്ചു.