യുഎഇയില്‍ മലയാളി യുവതി കടലില്‍ മുങ്ങി മരിച്ചു. കോഴിക്കോട് പന്തീരാങ്കാവ് സ്വദേശി റഫ്‌സ മഹ്‌റൂഫ് (35) ആണ് മരിച്ചത്. വെള്ളിയാഴ്ച രാവിലെ ഒമ്ബത് മണിയോടെയാണ് അപകടമുണ്ടായത്. അജ്മാനില്‍ താമസിക്കുന്ന റഫ്‌സയും ഭര്‍ത്താവ് മഹ്‌റൂഫും നാലും എട്ടും വയസ്സുള്ള മക്കളും കടലിലിറങ്ങിയപ്പോള്‍ ശക്തമായ അടിയൊഴുക്കിനെത്തുടര്‍ന്ന് അപകടത്തില്‍ പെടുകയായിരുന്നു.

സംഭവം നടന്ന ഉടന്‍ എമര്‍ജന്‍സി റെസ്‌പോണ്‍സ് ടീം സ്ഥലത്തെത്തി ഇവരെ കരയ്‌ക്കെത്തിച്ചു. ഗുരുതരാവസ്ഥയിലായിരുന്ന റഫ്‌സയെയും നാല് വയസ്സുള്ള മകളെയും ഗുരുതരാവസ്ഥയില്‍ ആശുപത്രിയിലേക്ക് മാറ്റുകയായിരുന്നെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.
ആശുപത്രിയിലെത്തിച്ചെങ്കിലും റഫ്‌സയെ രക്ഷിക്കാനായില്ല. മകളുടെ നില ഭേദമായി വരുന്നതായാണ് ഇത് സംബന്ധിച്ച റിപ്പോര്‍ട്ടുകളില്‍ പറയുന്നത്.