ഒട്ടുമിക്ക പ്രവാസികളും ആഗ്രഹിക്കുന്നത് യുഎഇയുടെ ഏതേലും ഒരു എമിറേറ്റിലെ ലൈസൻസ് എടുക്കണം എന്നതാണ്. അത്തരം ലൈസൻസുകൾ കൈവശമുള്ളവർക്കുള്ള സുപ്രധാന തീരുമാനം പുറത്തുവന്നു. പ്രത്യേകിച്ച് ദുബായുടെ. ഇപ്പോഴിതാ ദുബായ്, അബുദാബി, ഷാർജ, റാസൽഖൈമ തുടങ്ങി യുഎഇയുടെ കീഴിലുള്ള ഏഴ് എമിറേറ്റുകളുടെയും ഡ്രൈവിംങ് ലൈസൻസിന് യുകെയിൽ അംഗീകാരം നൽകിയിരിക്കുകയാണ്. തിയറി പ്രാക്ടിക്കൽ ടെസ്റ്റുകൾ നടത്താതെ തന്നെ ഇനിമുതൽ യുഎഇ ലൈസൻസ് യുകെ ലൈസൻസാക്കി മാറ്റിയെടുക്കാൻ അവസരം ലഭിക്കുന്നതാണ്.

കേവലം 43 പൗണ്ടാണ് ഇതിനായി യുകെയിലെ ഡ്രൈവർ ആൻഡ് വെഹിക്കിൾ ലൈസൻസിംങ് ഏജൻസി അഥവാ ഡിവിഎൽഎയ്ക്ക് നൽകേണ്ടി വരുന്നത്. ഈ മാസം ഇരുപതു മുതലാണ് പുതിയ തീരുമാനം പ്രാബല്യത്തിലായത്. മലയാളികൾ ഉൾപ്പെടെ യുഎഇയിൽനിന്നും ഇനിമുതൽ ബ്രിട്ടനിലേക്കെത്തുന്ന എല്ലാവർക്കും ഗുണകരമാകുന്ന ഈ തീരുമാനമാണിത്.

കോമൺവെൽത്ത് രാജ്യങ്ങളിൽനിന്നും യൂറോപ്യൻ രാജ്യങ്ങളിൽനിന്നും എത്തുന്നവരെപ്പോലെ യുഎഇയിൽനിന്നും എത്തുന്നവർക്കും ഇതുവരെ പരമാവധി ഒരു വർഷം വരെയാണ് അവിടുത്തെ ലൈസൻസ് ഉപയോഗിച്ച് ബ്രിട്ടനിൽ വാഹനമോടിക്കാൻ അനുമതി നല്കലുന്നത്. അതിനുള്ളിൽ തിയറി, പ്രക്ടിക്കൽ ടെസ്റ്റുകൾ പാസായി ബ്രിട്ടീഷ് ലൈസൻസ് നേടണമെന്നും ഉണ്ടായിരുന്നു. ഇത്തരത്തിൽ ടെസ്റ്റുകൾക്കും പ്രാക്ടീസ് ക്ലാസുകൾക്കുമായി ശരാശരി ആയിരം പൗണ്ടിനു മുകളിൽ ഒരാൾക്ക് ചെലവാകുമായിരുന്നു. എന്നാൽ പുതിയ തീരുമാനത്തോടെ കേവലം 43 പൗണ്ടു മുടക്കി അപേക്ഷ നൽകി യുഎഇ ലൈസൻസ് യുകെ ലൈസൻസ് ആക്കി മാറ്റാൻ സാധിക്കും.

അതായത് യുഎഇയിൽ ഡ്രൈവിംങ് ലൈസൻസ് ലഭിക്കുന്നതിനുള്ള ടെസ്റ്റിംങ്ങ് സ്റ്റാന്റേർഡ് ബ്രിട്ടണിലേതിന് തുല്യമാണെന്ന കണ്ടെത്തലിന്റെ അടിസ്ഥാനത്തിലാണ് ഈ തീരുമാനം കൈകൊണ്ടത് തന്നെ. യുഎഇയ്ക്കു പുറമെ തായ്വാൻ, ഉക്രെയിൻ, റിപ്പബ്ലിക്ക് ഓഫ് നോർത്ത് മാസിഡോണിയ എന്നീ രാജ്യങ്ങളിലെ ലൈസൻസും സമാനമായി രീതിയിൽ ചെറിയ തുക ഫീസടച്ച് ഇനി ബ്രിട്ടീഷ് ലൈസൻസാക്കി മാറ്റാൻ സാധിക്കും. ഓസ്ട്രേലിയ, സൗത്ത് ആഫ്രിക്ക, സിംഗപ്പൂർ, ജപ്പാൻ തുടങ്ങി 18 രാജ്യങ്ങളിലെ ലൈസൻസ് നിലവിൽ ഇത്തരത്തിൽ മാറ്റിയെടുക്കാൻ അനുമതിയും ന്കളുന്നുണ്ട്. അതിനൊപ്പമാണ് ഇപ്പോൾ യുഎഇ ഉൾപ്പെടെ നാലു രാജ്യങ്ങളെക്കൂടി ചേർത്തിരിക്കുന്നത്.

അതേസമയം ഒരു വർഷത്തോളമായി നടത്തിയ പബ്ലിക് കൺസൾട്ടേഷന്റെ ഫലമായാണ് യുഎഇഎയും ഈ ലിസ്റ്റിൽ ഉൾപ്പെടുത്തിയത് തന്നെ. ഇതിനായി നടത്തിയ 83 കൺസൾട്ടേഷനുകളിൽ ഭൂരിഭാഗവും ഇരു രാജ്യങ്ങളിലെയും ലൈസൻസ് നടപടിക്രമങ്ങളും നിലവാരവും സമാനമാണെന്ന് വിലയിരുത്തിയിരുന്നു. അടുത്തിടെ യുഎഇയിലെ വിവിധ എമിറേറ്റുകളിൽനിന്നും ബ്രിട്ടനിലെത്തിയ നിരവധി മലയാളികൾക്കാണ് പുതിയ തീരുമാനത്തോടെ എളുപ്പത്തിൽ ബ്രിട്ടീഷ് ലൈസൻസ് സ്വന്തമാകുന്നത്.