പൊണ്ണത്തടിയുള്ളവരില് കോവിഡ് രോഗബാധ ഗുരുതര ആരോഗ്യപ്രശ്നങ്ങളുണ്ടാക്കും : പുതിയ കണ്ടെത്തലുമായി യു .എ.ഇ. ആരോഗ്യമന്ത്രാലയം...
പൊണ്ണത്തടിയുള്ളവരില് കോവിഡ് രോഗബാധ ഗുരുതര ആരോഗ്യപ്രശ്നങ്ങളുണ്ടാക്കിയേക്കാമെന്ന് യു .എ.ഇ. ആരോഗ്യമന്ത്രാലയം പറഞ്ഞിരിക്കുന്നു.
രോഗത്തിന്റെ കാഠിന്യം അമിതവണ്ണമുള്ളവരില് മൂന്നിരട്ടിയോളമാവാന് സാധ്യതയുണ്ടെന്നും ആരോഗ്യ വിദ്യാഭ്യാസ പ്രമോഷന് ഡയറക്ടര് ഡോ.ഫാദില മുഹമ്മദ് ഷെരീഫ് വ്യക്തമാക്കി .
ഇവര്ക്ക് ശ്വാസകോശത്തിന് ശേഷിക്കുറവുണ്ടാകാം. അതുമൂലം ശ്വസനതടസ്സവും അനുഭവപ്പെടാം. രോഗപ്രതിരോധശേഷിയും ഇത്തരക്കാരില് കുറവായിരിക്കും. അതുകൊണ്ടുതന്നെ ന്യൂമോണിയപോലുള്ള രോഗങ്ങള് പിടിപെടാനും സാധ്യത കൂടുതലാണ്.
അതോടെ കോവിഡ് വൈറസ് ബാധ ഗുരുതരമാകും. ഇത്തരക്കാര്ക്ക് നീണ്ടകാലത്തെ ആശുപത്രിവാസവും തുടര്ചികിത്സകളും വേണ്ടിവരുമെന്നും ആരോഗ്യമന്ത്രാലയം മുന്നറിയിപ്പ് നല്കി.
ആഗോളപഠനം ചൂണ്ടിക്കാട്ടുന്നത് പ്രകാരം 60 വയസ്സിന് മുകളിലുള്ള ഹൃദ്രോഗ, വൃക്ക സംബന്ധമായ അസുഖങ്ങളുള്ളവരിലും പ്രമേഹമുള്ളവരിലും കോവിഡ് ബാധിച്ചാല് രോഗം ഗുരുതരമാകുമെന്നാണ് . ഇവര്ക്കായി യു.എ.ഇ. ആരോഗ്യമന്ത്രാലയം പ്രത്യേക ബോധവത്കരണം തുടങ്ങിയിട്ടുണ്ടെന്ന് യു.എ.ഇ.യിലെ മുതിര്ന്ന ആരോഗ്യ ഉദ്യോഗസ്ഥന് വ്യക്തമാക്കി.
പ്രതിരോധശേഷി ക്രമേണ കുറവുള്ള ഇത്തരക്കാര് കോവിഡ് വാക്സിന് സ്വീകരിച്ച് ആരോഗ്യസുരക്ഷ ഉറപ്പാക്കണം. മഹാമാരിയുടെ ആദ്യനാളുകളില് അമിതവണ്ണമുള്ള രോഗികള്ക്കും വിട്ടുമാറാത്ത രോഗങ്ങളുള്ളവര്ക്കും മന്ത്രാലയം പ്രത്യേക ശ്രദ്ധയും ആരോഗ്യ പരിചരണവും നല്കിയിരുന്നതായി ആരോഗ്യ ക്ലിനിക്കുകളുടെ അസിസ്റ്റന്റ് അണ്ടര് സെക്രട്ടറി ഡോ.ഹുസൈന് അല് റാന്ഡ് വിശദീകരിച്ചു.
അമിതവണ്ണത്തിന്റെ അളവ് വളരെക്കാലമായി യു.എ.ഇ.യില് ആശങ്കാജനകമാണെന്നും ഏപ്രിലില് പുറത്തിറങ്ങിയ ഗ്ലോബല് ഒബിസിറ്റി പട്ടികയില് യു.എ.ഇ. 26-ാം സ്ഥാനത്തായിരുന്നു.
"
https://www.facebook.com/Malayalivartha
