വാണിജ്യസര്വീസുകള്ക്ക് 2020 ജൂണ് 26-ന് ഏര്പ്പെടുത്തിയിരുന്ന വിലക്കിന് പരിഷ്കരണങ്ങള് ഏര്പ്പെടുത്തി അധികൃതര്
യു എ ഇ അന്താരാഷ്ട്ര വിമാനങ്ങള്ക്ക് ഏര്പ്പെടുത്തിയ വിലക്ക് ജൂലായ് 31 വരെ തുടരുമെന്ന് ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡി.ജി.സി.എ). അന്താരാഷ്ട്ര യാത്രാവിമാനങ്ങള്ക്ക് ഏര്പ്പെടുത്തിയിരുന്ന ഭാഗിക വിലക്ക് യു എ എ നീട്ടിയിരിക്കുന്നത് . ഞെട്ടാന് വരട്ടെ! വാണിജ്യസര്വീസുകള്ക്ക് 2020 ജൂണ് 26-ന് ഏര്പ്പെടുത്തിയിരുന്ന വിലക്കാണ് ഇപ്പോള് പരിഷ്കരണത്തിന് വിധേയമാക്കിയിരിക്കുന്നത്.
എന്നാല്, ഈവിലക്ക് യാത്രക്കാരെ നിലവില് ബാധിക്കില്ല എന്നതാണ് ആശ്വാസകരം. ഇരുപതിലേറെ രാജ്യങ്ങളുമായി ഇന്ത്യ എയര് ബബിള് കരാറിലേര്പ്പെട്ടിട്ടുണ്ട്. ഇതിന്റെ അടിസ്ഥാനത്തില് വിമാനസര്വീസ് ഉണ്ടാകുമെന്നാണ് കേന്ദ്രസര്ക്കാര് അറിയിച്ചിരിക്കുന്നത്.
ഇന്ത്യയില്നിന്ന് യു.എ.ഇ.യിലേക്കുള്ള വിമാന സര്വീസ് സംബന്ധിച്ച് ഇതുവരെ കൃത്യമായ വിവരങ്ങള് ലഭ്യമാകുന്നില്ല എന്നതാണ് വിഷമകരമായ കാര്യം.
യു.എ.ഇ. വിലക്ക് പിന്വലിക്കുകയാണെങ്കില് ഇന്ത്യയില്നിന്നുള്ളവര്ക്ക് യാത്രചെയ്യാനാവും. അതേ സമയം ഇന്ത്യയില്നിന്ന് യു.എ.ഇ.യിലേക്കുള്ള വിമാനയാത്രാവിലക്ക് ജൂലായ് 21 വരെ തുടരുമെന്ന് അബുദാബി വിമാനക്കമ്പനിയായ ഇത്തിഹാദ് എയര്വേസ് അറിയിച്ചു . ഇന്ത്യയ്ക്കുപുറമേ, പാകിസ്താന്, ബംഗ്ലാദേശ്, ശ്രീലങ്ക എന്നിവിടങ്ങളില്നിന്നുള്ള സര്വീസുകള്ക്കും വിലക്ക് ഏര്പ്പെടുത്തിയിട്ടുണ്ട്.
പക്ഷേ യു.എ.ഇ. പൗരന്മാര്, നയതന്ത്രപ്രതിനിധികള്, ഔദ്യോഗിക പ്രതിനിധിസംഘങ്ങള്, ഗോള്ഡന് വിസയുള്ളവര് തുടങ്ങിയവരെ വിലക്കില്നിന്ന് ഒഴിവാക്കി. ചരക്കുവിമാനങ്ങള്ക്കും വിലക്കില്ല.
, ജൂലായ് ഏഴുമുതല് ഇന്ത്യയില്നിന്ന് ദുബായിലേക്കുള്ള യാത്രാസര്വീസുകള് പുനരാരംഭിക്കാനാവുമെന്ന് പ്രതീക്ഷിക്കുന്നതായി ദുബായ് ആസ്ഥാനമായി പ്രവര്ത്തിക്കുന്ന എമിറേറ്റ്സ് എയര്ലൈന്സ് അറിയിച്ചു. ഇന്ത്യ-ദുബായ് സര്വീസുകള് തുടങ്ങുന്നതുമായി ബന്ധപ്പെട്ട യാത്രക്കാരുടെ അന്വേഷണങ്ങള്ക്കുള്ള മറുപടിയായാണ് എമിറേറ്റ്സ് ഔദ്യോഗിക ട്വിറ്ററിലൂടെ ഈ സന്തോഷം അറിയിച്ചിരിക്കുന്നത്.
ദുബായിലേക്കുള്ള യാത്രാനിബന്ധനകളുമായി ബന്ധപ്പെട്ട അവ്യക്തതകള് നീങ്ങുകയാണെങ്കില് ജൂലായ് ഏഴിനുതന്നെ യാത്ര പുനരാരംഭിക്കും എന്നനിലപാടിലാണ് എമിറേറ്റ്സ് ഉള്ളത് . ഇതിന്റെ അടിസ്ഥാനത്തില് ഇന്ത്യയില്നിന്നുള്ള ടിക്കറ്റ് ബുക്കിങ്ങും തുടങ്ങി .
യു.എ.ഇ. യാത്രാവിലക്ക് പിന്വലിച്ച ജൂണ് 23-ന് സര്വീസുകള് തുടങ്ങുമെന്നായിരുന്നു പ്രതീക്ഷിച്ചത് . പക്ഷേ , യാത്രാനിബന്ധനകളുമായി ബന്ധപ്പെട്ട അവ്യക്തതമൂലം വിമാനസര്വീസ് പുനരാരംഭിക്കുന്നത് തടസ്സപ്പെട്ടിരുന്നു. യാത്രാ വിലക്കുകള് എല്ലാം മാറി പ്രവാസ ലോകത്തേക്ക് പോകാന് കണ്ണുനട്ട് കാത്തിരിക്കുകയാണ് പ്രവാസികള്.
https://www.facebook.com/Malayalivartha
