പാഴ്സല് ഭക്ഷണത്തിന് ബില്ല് ചോദിച്ചതിന് ഇന്ത്യന് ഡെലിവറി ബോയിയെ അടിച്ച് കൊന്നു : കൊടുംക്രൂരത ചെയ്തത് കുവൈറ്റ് സ്വദേശി
പാര്സല് ഭക്ഷണത്തിന്റെ ബില്ല് ചോദിച്ചതിന് ഇന്ത്യന് ഡെലിവറി ബോയിയോട് കൊടുംക്രൂരത.ഇന്ത്യന് ഡെലിവറി ബോയിയെ കുവൈറ്റില് അടിച്ചുകൊന്നു.
ഗുരുതരമായി പരിക്കേറ്റ യുവാവ് സംഭവ സ്ഥലത്തു വച്ച് തന്നെ കൊല്ലപ്പെട്ടു. 41കാരനായ ഇന്ത്യന് സ്വദേശി ബാഷ ശൈഖാണ് കൊലചെയ്യപ്പെട്ടത്
വീട്ടിലെത്തിച്ച പാര്സല് ഭക്ഷണത്തിന് ബില്ല് ചോദിച്ചതിന് ആയിരുന്നു ഇന്ത്യക്കാരനായ ഡെലിവറി ജീവനക്കാരനെ അടിച്ചുകൊന്നത് . കുവൈറ്റിലെ അബൂ ഫത്തീറയിലാണ് സംഭവം നടന്നത് . വീട്ടുമുറ്റത്ത് ചോരയില് കുളിച്ചു കിടക്കുന്ന രീതിയിലായിരുന്നു ഇദ്ദേഹത്തിന്റെ മൃതദേഹം കാണപ്പെട്ടത്.
കുവൈറ്റ് സ്വദേശി ഓര്ഡര് നല്കിയ പ്രകാരം ഭക്ഷണവുമായി വീട്ടില് എത്തിയതായിരുന്നു ബാഷ ശെയ്ഖ്. പാര്സലിന്റെ പണം നല്കാന് സ്വദേശി വിസമ്മതിക്കുകയായിരുന്നുവെന്ന് പോലിസ് പറഞ്ഞു. ഇതേത്തുടര്ന്ന് വീട്ടുകാരനുമായി ബാഷ ശൈഖ് വാക്കേറ്റമുണ്ടായി. പാര്സലിന്റെ പണം കിട്ടാതെ തിരികെ പോകില്ലെന്ന് ഡെലിവറി ജീവനക്കാരന് വാശി പിടിച്ചതോടെ അദ്ദേഹത്തെ ക്രൂരമായി മര്ദ്ദിക്കുകയായിരുന്നു.
മര്ദ്ദനത്തില് ഗുരുതരമായ പരിക്കേറ്റ യുവാവ് സംഭവ സ്ഥലത്തു വച്ച് തന്നെ മരണപ്പെടുകയായിരുന്നു. ഗൃഹനാഥന്റെ മകന്റെ മര്ദ്ദനമേറ്റാണ് യുവാവ് മരണപ്പെട്ടതെന്നും റിപ്പോര്ട്ടുണ്ട്.
സംഭവത്തെ തുടര്ന്ന് വീട്ടുടമ ഒളിവിലാണെന്ന് പോലിസ് പറഞ്ഞു. സംഭവത്തെ കുറിച്ച് അന്വേഷിക്കാന് ഒരു പ്രത്യേക ഫോറന്സിക് ടീമിന് രൂപം നല്കിയിട്ടുണ്ട്. പോലിസ് അന്വേഷണം ആരംഭിച്ചതായും വീട്ടുടമയ്ക്കായുള്ള തിരച്ചില് ആരംഭിച്ചതായി ഡെപ്യൂട്ടി പബ്ലിക് പ്രൊസിക്യൂട്ടര് അറിയിച്ചു.
"
https://www.facebook.com/Malayalivartha
