ദുബായ് വിമാനത്താവളത്തില് വിമാനങ്ങള് തമ്മില് ഉരസി: ഗള്ഫ് എയര്വിമാനവും ഫ്ളൈ ദുബായ് വിമാനവുമാണ് ഉരസിയത്
ദുബായ് വിമാനത്താവളത്തില് വിമാനങ്ങള് തമ്മില് ഉരസി. തലനാരിഴയ്ക്കാണ് അപകടം ഒഴിവായത്.ഗള്ഫ് എയര്വിമാനവും ഫ്ളൈ ദുബായ് വിമാനവും തമ്മിലാണ് ചെറുതായിട്ടൊന്നു ഉരസിയത് .
ബഹ്റൈനില് നിന്നെത്തിയ ഗള്ഫ് എയര് വിമാനത്തിന്റെ വാല്ഭാഗത്തായിരുന്നു ഫ്ളൈ ദുബായ് വിമാനം ഉരസിയത്. പാര്ക്കിങ്ങിനിടെയാണ് സംഭവം. ആര്ക്കും പരുക്കില്ല എന്നത് ആശ്വാസകരമായ കാര്യമാണ്.
അപകടത്തെ തുടര്ന്ന് വിമാനത്താവളത്തിന്റെ ഒരു റണ്വേ ഉച്ചവരെ അടച്ചിടുന്ന സാഹചര്യമുണ്ടായി. വിമാനത്താവള പ്രവര്ത്തനം പതിവുരീതിയിലായിട്ടുണ്ട്. ഇരുവിമാനങ്ങളിലെയും യാത്രക്കാര്ക്ക് മറ്റ് വിമാനങ്ങളില് യാത്രാസൗകര്യം ഏര്പ്പെടുത്തി.
അതേസമയം നേരത്തെയും ഇത്തരത്തില് വിമാനങ്ങള് ഉരസിയ സംഭവങ്ങളുണ്ടായിട്ടുണ്ട്. കിങ് അബ്!ദുല് അസീസ് അന്താരാഷ്ട്ര വിമാനത്താവളത്തിലായിരുന്നു വിമാനങ്ങളുടെ ചിറകുകള് കൂട്ടിയിടിച്ചത്. സംഭവത്തില് അധികൃതര് അന്വേഷണം നടത്തിയിരുന്നു.
എത്യോപ്യന് എയര്ലൈന്സ് വിമാനത്തിന്റെയും സൗദി അറേബ്യന് എയര്ലൈന്സ് വിമാനത്തിന്റെയും ചിറകുകളായിരുന്നു കൂട്ടിമുട്ടിയത്. സൗദി അറേബ്യന് എയര്ലൈന്സിന്റെ എയര്ബസ് 300 വിഭാഗത്തില്പെടുന്ന വിമാനം ടാ!ക്സി വേയില് നിന്ന് കെട്ടിവലിച്ചുകൊണ്ടുവരുന്നതിനിടയിലാണ് വിമാനത്തിന്റെ ഇടത് ചിറക് എത്യോപ്യന് എയര്ലൈന്സ് വിമാനത്തിന്റെ വലതുവശത്തുള്ള ചിറകില് ഇടിച്ചത്.
എത്യോപ്യന് എയര്ലൈന്സിന്റെ ബോയിങ് 777 വിമാനം നിര്ത്തിയിട്ടിരിക്കുകയായിരുന്നു. അപകടത്തില് എത്യോപ്യന് എയര്ലൈന്സ് വിമാനത്തിന് ചെറിയ തകരാറുകള് സംഭവിച്ചിരുന്നു. അപകടം എങ്ങനെ സംഭവിച്ചുവെന്ന് പരിശോധിക്കാന് സൗദി ജനറല് അതോരിറ്റി ഓഫ് സിവില് ഏവിയേഷന് കീഴിലുള്ള ഏവിയേഷന് ഇന്വെസ്റ്റിഗേഷന് ബ്യൂറോ അന്വേഷണം അന്ന്നടത്തിയിരുന്നു.
"
https://www.facebook.com/Malayalivartha
