ഇന്ത്യയില്‍നിന്ന് കോവിഷീല്‍ഡ് വാക്സിന് എടുത്തവര്‍ക്ക് കുവൈത്തിലേക്ക് മടങ്ങുന്ന കാര്യത്തില്‍ ആശങ്ക വേണ്ടെന്ന് ഇന്ത്യന്‍ എംബസി : സന്തോഷത്തോടെ പ്രവാസലോകം ആ കാര്യത്തില്‍ ആശങ്ക വേണ്ടെന്ന ഉറപ്പുനല്‍കി കുവൈറ്റ്..... ഉറ്റു നോക്കി പ്രവാസലോകം... ഇനി ധൈര്യമായി കുവൈറ്റിലേക്ക് പൊക്കോളു.......
ഇന്ത്യയില്‍നിന്ന് കോവിഷീല്‍ഡ് വാക്സിന് എടുത്തവര്‍ക്ക് കുവൈത്തിലേക്ക് മടങ്ങുന്ന കാര്യത്തില്‍ ആശങ്ക വേണ്ടെന്ന് ഇന്ത്യന്‍ എംബസി അറിയിച്ചിരിക്കുകയാണ്.
കുവൈത്ത് അംഗീകരിച്ച ഓക്‌സ്ഫഡ് ആസ്ട്രസെനിക വാക്സിന് തന്നെയാണ് കോവിഷീല്‍ഡ് എന്നാണ് അവര്‍ വ്യക്തമാക്കുന്നത്. മാത്രമല്ല വാക്സിന് എടുത്ത വിദേശികള്‍ക്കു കുവൈത്തിലേക്ക് പ്രവേശനം അനുവദിക്കുന്ന മുറയ്ക്ക് കോവിഷീല്‍ഡ് വാക്സിന് എടുത്തവര്‍ക്കും കുവൈത്തിലേക്ക് വരുന്നതിനു തടസ്സമുണ്ടാകില്ലെന്നും എംബസി വ്യക്തമാക്കി.
എന്നാല്‍ ഇന്ത്യയില്‍നിന്ന് വാക്സിന് എടുത്തവര്‍ കുവൈത്ത് ആരോഗ്യമന്ത്രാലയത്തിന്റ വെബ്‌സൈറ്റില്‍ സര്‍ട്ടിഫിക്കറ്റ് അപ്ലോഡ് ചെയ്യണമെന്നും വാര്‍ത്താകുറിപ്പില്‍ പറയുന്നു.
കുവൈത്തില്‍ ആസ്ട്രസെനെക്ക കോവിഷീല്‍ഡ് വാക്സിന് അംഗീകരിച്ചതായി ഇന്ത്യന്‍ സ്ഥാനപതി സിബി ജോര്‍ജ് നേരത്തെ പറഞ്ഞിരുന്നു. ഇന്ത്യയില്‍ നിര്‍മിക്കുന്ന കോവിഷീല്‍ഡ് വാക്സിന് ആസ്ട്രസെനെക്കഓക്‌സ്ഫഡ് വാക്സിന് തുല്യമാണെന്നും അദ്ദേഹം നേരത്തെ തന്നെ വ്യക്തമാക്കിയിരുന്നു.
ആസ്ട്രസെനെക്ക കോവിഷീല്‍ഡ് വാക്സിന് ആഗോള തലത്തില്‍ അംഗീകരിക്കപ്പെട്ടതാണ്. കൂടാതെ കഴിഞ്ഞ ഫെബ്രുവരിയില്‍ ഇന്ത്യയില്‍ നിര്‍മിച്ച കോവിഷീല്‍ഡ് വാക്‌സിന്റെ 200,000 ഡോസുകള്‍ കുവൈത്തില്‍ എത്തിച്ചതും ഫലപ്രദമായി ഉപയോഗച്ചതുമാണ്.
ഇന്ത്യയില്‍ നിന്നും കുവൈത്തിലേക്ക് വരുന്നവര്‍ വാക്‌സിനേഷന്‍ സര്‍ട്ടിഫിക്കറ്റില്‍ കോവിഷീല്‍ഡ്ആസ്ട്രസെനെക്ക എന്ന് രേഖപെടുത്തണം. ഇതോടെ കോവിഷീല്‍ഡ് വാക്‌സിനേഷന്‍ സ്വീകരിച്ചവര്‍ക്ക് കുവൈത്തിലേക്ക് വരുന്നതിന് തടസമുണ്ടാകില്ല എന്ന ഉറപ്പും അദ്ദേഹം നല്‍കിയിരുന്നു.
എന്നാല്‍ ഇതു സംബന്ധിച്ച് കുവൈത്ത് ആരോഗ്യ മന്ത്രാലയത്തിന്റെ ഔദ്യോഗിക അറിയിപ്പ് അപ്പോള്‍ വന്നിട്ടില്ലായിരുന്നു. ഇപ്പോളിതാ കുവൈത്ത് ആരോഗ്യ മന്ത്രാലയം ഇക്കാര്യം വ്യക്തമാക്കിയിരിക്കുകയാണ്.
https://www.facebook.com/Malayalivartha
