ഇന്ത്യയില് നിന്നും യു.എ.ഇ.യിലേക്ക് വിമാനസര്വീസ് ഓഗസ്റ്റ് ഏഴു വരെ ഉണ്ടാകില്ലെന്ന് എമിറേറ്റ്സ് എയര്ലൈന്സ്
ഇന്ത്യയില് നിന്നും യു.എ.ഇ.യിലേക്ക് വിമാനസര്വീസ് ഓഗസ്റ്റ് ഏഴു വരെ ഉണ്ടാകില്ലെന്ന് എമിറേറ്റ്സ് എയര്ലൈന്സ് അറിയിച്ചു.
എമിറേറ്റ്സ് വെബ്സൈറ്റിലൂടെയാണ് ഈ വിവരം ആള്ക്കാരോട് അറിയിച്ചത്. ജൂലായ് 31 വരെ സര്വീസുണ്ടാകില്ലെന്ന് വിമാനക്കമ്പനി അറിയിപ്പ് നല്കിയിരുന്നു.ആ വിലക്കാണ് ഇപ്പോള് നീട്ടിയിരിക്കുന്നത്. ഈയൊരു സാഹചര്യത്തില് ഇന്ത്യക്കാരുടെ യു.എ.ഇ. പ്രവേശന വിലക്ക് ഇനിയും നീണ്ടും പോകും എന്ന കാര്യത്തില് സംശയമില്ല .
ഇത്തിഹാദ് ഓഗസ്റ്റ് രണ്ടുവരെ യാത്രാസര്വീസില്ലെന്ന് വ്യക്തമാക്കിയിരിക്കുന്നു.കഴിഞ്ഞ ഏപ്രില് 24 മുതലായിരുന്നു ഇന്ത്യയില്നിന്നുള്ള യാത്രക്കാര്ക്ക് യു.എ.ഇ. വിലക്കേര്പ്പെടുത്തിയത്.
ആയിരക്കണക്കിന് പ്രവാസികളായിരുന്നു ഈ തീരുമാനത്തെ തുടര്ന്ന് നാട്ടില് അകപ്പെട്ടത് . ഇന്ത്യയിലെ കോവിഡ് സാഹചര്യങ്ങളുടെ അടിസ്ഥാനത്തിലാണ് അധികൃതര് ഇങ്ങനെ ഒരു തീരുമാനം എടുത്തത് . പാകിസ്താന്, ബംഗ്ലാദേശ്, ശ്രീലങ്ക എന്നിവിടങ്ങളില്നിന്ന് ഓഗസ്റ്റ് ഏഴുവരെ എമിറേറ്റ്സ് സര്വീസ് ഉണ്ടാകില്ല.
"
https://www.facebook.com/Malayalivartha
