ഓഗസ്റ്റ് രണ്ട് മുതല്‍പുതിയ യാത്രാ നിബന്ധനകള്‍ സജ്ജമാക്കി ഖത്തര്‍. ഇന്ത്യയിലുള്ളവരും ഈ നിബന്ധനകള്‍ പാലിച്ചേ മതിയാകു . ഖത്തറിലെ ഇന്ത്യന്‍ എംബസിയാണ് ഈ വിവരം അറിയിച്ചിരിക്കുന്നത്.

ഇന്ത്യയില്‍ നിന്നുള്ള യാത്രക്കാര്‍ പാലിക്കേണ്ടുന്ന നിബന്ധനകള്‍ എന്തൊക്കെയാണെന്ന് നോക്കാം :
1. താമസ വിസയുള്ളവര്‍, ഖത്തര്‍ പൊതുജനാരോഗ്യ മന്ത്രാലയത്തിന്റെ അംഗീകാരമുള്ള വാക്‌സിന്‍ ഖത്തറില്‍ വച്ച് എടുത്തിട്ടുണ്ടെങ്കില്‍ രണ്ട് ദിവസം ഹോട്ടല്‍ ക്വാറന്റീനില്‍ കഴിയണം.

മാത്രമല്ല ഖത്തറില്‍ വെച്ച് നേരത്തെ കൊവിഡ് ബാധിച്ച് സുഖപ്പെട്ടവര്‍ ആണെങ്കിലും രണ്ടു ദിവസം കഴിയണം. രണ്ടാം ദിവസം ആര്‍.ടി പി.സി.ആര്‍ പരിശോധന നടത്തുമ്പോള്‍ നെഗറ്റീവാണെങ്കില്‍ ക്വാറന്റീന്‍ അവസാനിപ്പിച്ച് വീട്ടില്‍ പോകാന്‍ അനുവാദം നല്‍കും.

2. താമസ വിസയുള്ളവര്‍ ഖത്തറിന് പുറത്തുനിന്നാണ് വാക്‌സിന്‍ സ്വീകരിച്ചതെങ്കില്‍ 10 ദിവസത്തെ ഹോട്ടല്‍ ക്വാറന്റീന്‍ നിര്‍ബന്ധമാണ്.

വാക്‌സിന്‍ എടുത്തിട്ടില്ലെങ്കിലോ അല്ലെങ്കില്‍ ഖത്തറിന് പുറത്തുവെച്ച് കൊവിഡ് ബാധിച്ച് സുഖപ്പെട്ടവരോ ആണെങ്കിലും 10 ദിവസം കഴിയണം.

3. സന്ദര്‍ശകര്‍ അതായത് ഫാമിലി, ടൂറിസ്റ്റ്, ജോലി എന്നിവര്‍ ഖത്തറിന് പുറത്തുനിന്ന് ഖത്തര്‍ ആരോഗ്യ മന്ത്രാലയം അംഗീകരിച്ച വാക്‌സിനെടുത്തവരാണെങ്കില്‍ 10 ദിവസം ഹോട്ടല്‍ ക്വാറന്റീനില്‍ കഴിയേണ്ടിവരും.

4. സന്ദര്‍ശകര്‍ വാക്‌സിനെടുത്തിട്ടില്ലെങ്കില്‍ ഖത്തറില്‍ പ്രവേശനമില്ല.

യാത്രയ്!ക്ക് ഒരുങ്ങുന്നവര്‍ പുറപ്പെടുന്നതിന് മുമ്പ് ഖത്തര്‍ പൊതുജനാരോഗ്യ മന്ത്രാലയത്തിന്റെ വെബ്!സൈറ്റ് പരിശോധിക്കുക. പുതിയ മാര്‍ഗ നിര്‍ദേശങ്ങള്‍ മനസിലാക്കിയിരിക്കുകയും ചെയ്യുക. അപ്പോള്‍ ഈ കാര്യങ്ങള്‍ ശ്രദ്ധിക്കുമല്ലോ.