അബുദാബി ബിഗ് ടിക്കറ്റില്‍ 30 കോടി രൂപ സമ്മാനമായി ലഭിച്ച ആ മലയാളി, നടൻ ഹരിശ്രീ അശോകന്റെ മരുമകനും ദോഹയില്‍ ലുലു ഗ്രൂപ്പിന്റെ ജീവനക്കാരനുമായ സനൂപ് സുനില്‍. നറുക്കെടുപ്പിന് ശേഷം ഒന്നാം സമ്മാനക്കാരനെ കണ്ടെത്താന്‍ ബിഗ് ടിക്കറ്റ് അധികൃതര്‍ക്ക് സാധിച്ചിരുന്നില്ല. തുടര്‍ന്ന് ഏറെ ഫോണ്‍കോളുകള്‍ക്ക് ശേഷമാണ് സനൂപ് സുനിലിനെ കണ്ടെത്തിയത്. ജാക്‌പോട്ട് അടിച്ചു എന്ന് ഏതാനും സെക്കന്റുകൾ റിച്ചാര്‍ഡ് അലറി വിളിച്ചെങ്കിലും മറുതലയ്ക്കല്‍ നിന്ന് ഒരുപ്രതികരണവും ആദ്യം ഉണ്ടായില്ല. ജൂലൈ 13നാണ് 183947 എന്ന നമ്പറിലുള്ള ടിക്കറ്റ് സനൂപ് സുനില്‍ എടുത്തത്. ആവർത്തിച്ചുള്ള ഫോൺ വിളികൾക്കൊടുവിലായിരുന്നു ഭാഗ്യവാനായ സനൂപും ആ സന്തോഷ വാർത്ത അറിഞ്ഞത്.

സനൂപടക്കം ലുലുവിലെ 20 ജീവനക്കാര്‍ ചേര്‍ന്നാണ് 30 കോടി രൂപയുടെ സമ്മാനത്തിനര്‍ഹമായ ടിക്കറ്റെടുത്തത്. കഴിഞ്ഞ ദിവസം നടന്ന ബിഗ് ടിക്കറ്റിന്റെ 230-ാം സീരീസ് നറുക്കെടുപ്പിലാണ് നടന്‍ ഹരിശ്രീ അശോകന്റെ മകള്‍ ശ്രീക്കുട്ടിയുടെ ഭര്‍ത്താവ് സനൂപും സമ്മാനാർഹനായത്. ഒന്നര കോടിയോളം രൂപ ഓരോര്‍ത്തര്‍ക്കും ലഭിക്കും. നാട്ടിലെ മൊബൈല്‍ നമ്പർ കൊടുത്തിരുന്നതിനാല്‍ ടിക്കറ്റ് സംഘാടകപ്രതിനിധി റിച്ചാര്‍ഡിനു സനൂപിന്റെ മൊബൈലിലേക്കു പല പ്രാവശ്യം വിളിച്ചെങ്കിലും ആദ്യം ബന്ധപ്പെടാന്‍ സാധിച്ചിരുന്നില്ല.

സനൂപിന്റെ പേരില്‍ ഇദ്ദേഹവും ലുലുവിലെ മറ്റു 19 ജീവനക്കാരും ചേര്‍ന്നെടുത്ത ലോട്ടറി ടിക്കറ്റിനാണു സമ്മാനം. ഖത്തറില്‍ ഏഴ് വര്‍ഷമായി ജോലി ചെയ്തുവരികയാണ് സനൂപ് സുനില്‍. ഖത്തറിലെ തന്റെ ഫോണ്‍ നമ്ബര്‍ ബിഗ് ടിക്കറ്റ് സംഘാടകര്‍ക്ക് നല്‍കിയിരുന്നില്ലെന്ന് അദ്ദേഹം പറഞ്ഞു. അതുകൊണ്ടാണ് അവര്‍ക്ക് തന്നെ ബന്ധപ്പെടാന്‍ ബുദ്ധിമുട്ടിയത്. നാട്ടിലെ റോമിങ് ഉള്ള നമ്പറാണ് കൊടുത്തിരുന്നത്. എന്നാല്‍, സംഘാടകര്‍ വിളിച്ചപ്പോള്‍ ഫോണ്‍ എടുക്കാന്‍ കഴിഞ്ഞില്ല. പലതവണ വിളിച്ചത് കണ്ടപ്പോഴാണ് ഫോണ്‍ എടുത്തത്, സനൂപ് പറഞ്ഞു. എറണാകുളം സ്വദേശിയായ സനൂപ് ഓണ്‍ലൈനിലൂടെയാണ് ടിക്കറ്റ് എടുത്തത്. ഇന്നലെ തന്നെ നടന്ന മറ്റു നറുക്കെടുപ്പുകളില്‍ മലയാളിയായ ജോണ്‍സണ്‍ കുഞ്ഞുകുഞ്ഞുവിന് 10 ലക്ഷം ദിര്‍ഹവും ഇന്ത്യക്കാരനായ റെനാള്‍ഡ് ഡാനിയേലിന് ഒരു ലക്ഷം ദിര്‍ഹവും സമ്മാനം ലഭിച്ചു.

സനൂപിനൊപ്പം ലുലുവിലെ മറ്റ് 19 പേരെ കൂടി തേടിയാണ് ബിഗ് ടിക്കറ്റിലെ ഭാഗ്യം എത്തിയത്. തന്റെ ഷെയര്‍ ഏകദേശം 750,000 ദിര്‍ഹം ആയിരിക്കുമെന്ന് സനൂപ് പറയുന്നു. എന്തു തുക കിട്ടിയാലും അത് ദൈവത്തിന്റെ അനുഗ്രഹമാണ്. ഇതൊരു വലിയ ഭാഗ്യമാണ്. എന്റെ പങ്കില്‍ ഞാന്‍ സന്തോഷവാനാണ്, സനൂപ് സുനില്‍ പറഞ്ഞു. '8' ഭാഗ്യ നമ്പറാണെന്ന് വിശ്വസിക്കുന്ന ആളാണ് സനൂപ് സുനില്‍. അദ്ദേഹത്തിന്റെ മൊബൈല്‍ നമ്പറിലും കൂടുതല്‍ 8 ആണ്. '8' അനന്തയുടെ ചിഹ്നമാണെന്നും ബിഗ് ടിക്കറ്റ് നമ്പറിലും ഭാഗ്യകടാക്ഷമായത് ഈ നമ്പറിന്റെ സാന്നിധ്യമെന്നും സനൂപ് സുനില്‍ വിശ്വസിക്കുന്നു. ടിക്കറ്റ് വാങ്ങിയ ഞങ്ങള്‍ക്ക് എല്ലാവര്‍ക്കും ഇത് ജീവിതത്തിലെ വഴിമാറ്റമാണെന്ന്, സനൂപ് കൂട്ടിച്ചേര്‍ത്തു.