പ്രവാസികൾക്ക് ഇതാ ഒരു സന്തോഷ വാർത്തയാണ് ഇപ്പോൾ പ്രഖ്യാപിച്ചിട്ടുള്ളത്. പ്രവാസികള്‍ക്ക് ആശ്വാസ പ്രഖ്യാപനവുമായി യുഎഇ. അതായത് യാത്രാവിലക്കില്‍ നാട്ടില്‍ കുടങ്ങിയവരുടെ താമസ വീസാ കാലാവധി യുഎഇ നീട്ടി എന്നുള്ളതാണ്.

ദുബൈയി​ലെ കാലാവധി കഴിഞ്ഞ താമസ വിസക്കാരുടെ വിസ കാലാവധി അതോടെ നീട്ടി നൽകുകയാണ്. GDRFAയുടെ വെബ്​സൈറ്റ്​ വഴി പരിശോധിച്ചപ്പോഴാണ്​ കാലാവധി നീട്ടിക്കിട്ടിയ വിവരം യാത്രക്കാർക്ക് മനസ്സിലാക്കാൻ സാധിച്ചത്. ഡിസംബർ ഒന്‍പത് വരെയാണ് കാലാവധി നീട്ടിയത്.

ഇക്കാര്യത്തിൽ ഔദ്യോഗിക സ്​ഥിരീകരണം വന്നിട്ടില്ലെങ്കിലും നല്ലൊരു ശതമാനം പ്രവാസികൾക്കും രണ്ടോ മൂന്നോ നാലോ മാസത്തേക്ക്​ വിസ കാലാവധി നീട്ടിക്കിട്ടിയിട്ടുണ്ട്​ എന്നാണ് അറിയാൻ കഴിഞ്ഞത്.

നിലവിൽ ദുബൈ വിസക്കാർക്ക്​ മാത്രമാണ്​ കാലാവധി നീട്ടിക്കിട്ടിയിരിക്കുന്നത്​. അബൂദബി, ഷാർജ ഉൾപെടെ മറ്റ്​ എമിറേറ്റുകളിലെ വിസകളുടെ കാലാവധിയും ഇത്തരത്തിൽ നീട്ടുമെന്ന പ്രതീക്ഷയിലാണ്​ പ്രവാസികൾ.

അതേസമയം, ​മെയ്​ മാസത്തിന്​ ശേഷം കാലാവധി അവസാനിച്ച വിസകളുടെ എക്​സ്​പയറി ഡേറ്റാണ്​ നിലവിൽ നീട്ടിയിരിക്കുന്നതെന്നാണ്​ അറിയാൻ കഴിഞ്ഞത്​​. ചിലർക്ക്​ ഒരു മാസം അധികം ലഭിച്ചപ്പോൾ ഭൂരിപക്ഷം പേർക്കും എക്​സ്​പയറി ഡേറ്റ്​ കാണിക്കുന്നത്​ നവംബർ 9, ഡിസംബർ 9 തീയതികളാണ്​. ഇതോടെ ദുബൈയിലേക്ക്​ യാത്ര ചെയ്യാൻ GDRFAയുടെ അനുമതി ലഭിച്ചു തുടങ്ങിയതായി അനുഭവസ്​ഥർ സാക്ഷ്യപ്പെടുത്തുന്നുണ്ട്.

ദുബൈയിലെ താമസവിസക്കാർ നാട്ടിലാണെങ്കിൽ ആറ്​ മാസത്തിനുള്ളിൽ ദുബൈയിലെത്തി വിസ പുതുക്കണമെന്നാണ്​ നിയമം. എന്നാൽ, യാത്രാവിലക്ക്​ മൂലം പലർക്കും ഇതിന്​ കഴിഞ്ഞിരുന്നില്ല. ഇതോടെ ഇവരുടെ വിസ കാലാവധി കഴിഞ്ഞിരുന്നു.

ഇത്തരക്കാർക്ക്​ ദുബൈയിലെത്തി വിസ പുതുക്കാനുള്ള അവസരമാണ്​ ഇപ്പോൾ ലഭിച്ചിരിക്കുന്നത്​. gdrfadയുടെ എന്ന ലിങ്ക്​ വഴി വിസ കാലാവധി പരിശോധിക്കാൻ സാധിക്കും. ചുവടെ ഇതുമായി ബന്ധപ്പെട്ട ലിങ്കും നൽകുന്നുണ്ട്.

വീസ കാലാവധി കഴിഞ്ഞ പ്രവാസികള്‍ക്ക് ഐസിഎ, GDRFAയുടെ അനുമതി വാങി യുഎഇയിലേക്ക് മടങ്ങാൻ സാധിക്കും. ഇതോടെ പതിനായിരക്കണക്കിന് പ്രവാസി മലയാളികൾക്ക് തീരുമാനം ആശ്വാസമാകും.

അതേസമയം, ഇന്ത്യയില്‍ നിന്നുള്ള യാത്രാ വിലക്കില്‍ യുഎഇ നിയന്ത്രണങ്ങള്‍ പ്രഖ്യാപിച്ച് ദിവസങ്ങള്‍ കഴിഞ്ഞിട്ടും ടിക്കറ്റ് നിരക്ക് ഉയര്‍ന്നു തന്നെ. മൂന്നു മാസത്തിലേറെയായി നിലനില്‍ക്കുന്ന യാത്രാ വിലക്കിന് ശേഷം അനുവദിച്ചു കിട്ടിയ അവസരം ഉപയോഗപ്പെടുത്താന്‍ പ്രവാസികള്‍ കൂട്ടത്തോടെ യാത്രയ്‌ക്കൊരുങ്ങിയതിനെ തുടര്‍ന്നാണിത്. വരുന്ന ഏതാനും ദിവസങ്ങളില്‍ കൂടി ടിക്കറ്റ് നിരക്ക് കൂടിത്തന്നെ ഇരിക്കുമെന്നാണ് ട്രാവല്‍ മേഖലയില്‍ പ്രവര്‍ത്തിക്കുന്നവര്‍ നല്‍കുന്ന സൂചന.