കുവൈത്തില് വിദ്യാലയങ്ങള് തുറക്കാനുള്ള പദ്ധതികള് തയ്യാറാക്കി വിദ്യാഭ്യാസ മന്ത്രാലയം
കുവൈത്തില് പുതിയ അധ്യയന വര്ഷത്തില് വിദ്യാലയങ്ങള് തുറന്നു പ്രവര്ത്തിക്കുന്നതിനുള്ള രണ്ട് ബദല് പദ്ധതികള് തയ്യാറാക്കി വിദ്യാഭ്യാസ മന്ത്രാലയം. വിദ്യാഭ്യാസ മന്ത്രി അലി അല് മുതഫിന്റെ ആധ്യക്ഷതയില് ചേര്ന്ന യോഗത്തിലാണ് പദ്ധതി തയാറാക്കിയത്.
ഓരോ വിദ്യാലയങ്ങളിലെയും വിദ്യാര്ഥികളെ രണ്ടു ഗ്രൂപ്പുകളായി തിരിക്കുകയും ഓരോ ഗ്രൂപ്പിനും ഒന്നിടവിട്ട ദിവസങ്ങളില് ക്ളാസുകള് ക്രമീകരിക്കുകയും ചെയ്യുക എന്നതാണ് ആദ്യ പദ്ധതി. ഓരോ ക്ലാസുകളിലെയും വിദ്യാര്ഥി കളെ അക്ഷരമാലാ ക്രമത്തില് രണ്ടായി വിഭജിച്ചു ആദ്യ ഗ്രൂപ്പിലെ വിദ്യാര്ഥികള്ക്ക് ആഴ്ചയില് മൂന്നു ദിവസവും രണ്ടാമത്തെ ഗ്രൂപ്പിലെ വിദ്യാര്ഥികള്ക്കു ആഴ്ചയില് രണ്ടു ദിവസവുമായി ക്ലാസുകള് ക്രമീകരിക്കും. ഓാരോ രണ്ടാഴ്ചകളിലും ഈ ക്രമം പരസ്പരം മാറ്റുക എന്നതാണ് രണ്ടാമത്തെ പദ്ധതി. പുതിയ നിര്ദേശങ്ങള് അടുത്ത ആഴ്ച മന്ത്രിസഭ യോഗത്തില് സമര്പ്പിക്കും.
ഓരോ ക്ലാസ് മുറിയിലുമുള്ള വിദ്യാര്ഥികളുടെ എണ്ണം ഇരുപത് ആയി പരിമിത പെടുത്തുക, അടിസ്ഥാന വിഷയങ്ങളില് ഊന്നി ക്ലാസുകള് ക്രമീകരിക്കുക, അത്യാവശ്യമല്ലാത്ത വിഷയങ്ങളുടെ പഠനം രണ്ടാം സെമസ്റ്ററിലേക്കു മാറ്റുക, പ്രാഥമിക ക്ലസുകള്ക്കു ദിവസം അഞ്ച് പിരീഡുകളും ഇന്റര് മീഡിയറ്റു ക്ലാസുകള്ക്കു ആറു പിരീഡുകളുമായി ക്ലാസുകള് ക്രമീകരിക്കുക മുതലായ നിര്ദേശങ്ങള് രണ്ട് പദ്ധതികളിലും മുന്നോട്ട് വെക്കുന്നുണ്ട്. പ്രതിരോധ കുത്തിവെപ്പ് പൂര്ത്തിയാകാത്ത എല്ലാ വിദ്യാര്ഥികള്ക്കും അധ്യാപകര്ക്കും പ്രതിവാര നെഗറ്റീവ് പി സി ആര് സര്ട്ടിഫിക്കറ്റ് നിര്ബന്ധമാക്കുവാനും പൊതു നിര്ദേശവും മുന്നോട്ട് വെച്ചു.
https://www.facebook.com/Malayalivartha
