ദമാമിൽ മലയാളി വീട്ടമ്മ ഉറക്കത്തിൽ മരിച്ചു; രാവിലെ ജോലിക്ക് പോയി, ഉച്ചയ്ക്ക് തിരികെ വന്ന് ഭർത്താവ് വിളിച്ചിട്ടും എഴുന്നേറ്റില്ല:- ആശുപത്രിയില് എത്തിച്ചെങ്കിലും മണിക്കൂറുകൾക്ക് മുമ്പ് മരണം സംഭവിച്ചു
ദമാമിൽ ഉറങ്ങാന് കിടന്ന വീട്ടമ്മയെ മരിച്ച നിലയില് കണ്ടെത്തി. ദമ്മാം തുഖ്ബയില് 30 വര്ഷത്തിലധികമായി സ്പെയര് പാര്ട്സ് കട നടത്തുന്ന കാസര്കോട് ആലമ്പാടി ഷഹ്സാദ് വില്ലയില് അബ്ദുല്ലയുടെ ഭാര്യ സൈറാബാനു (42) ആണ് മരിച്ചത്. എട്ട് വര്ഷമായി ഭര്ത്താവുമൊത്ത് സൗദിയിലുണ്ട്.
ബുധനാഴ്ച രാവിലെ കടയിലേയ്ക്ക് ഭർത്താവു ജോലിക്ക് പോകുന്നതിടെ ഉച്ചയ്ക്ക് കൊണ്ടുവരേണ്ട സാധനങ്ങളുടെ ലിസ്റ്റ് നൽകിയാണ് യാത്രയാക്കിയത്. ഉച്ചക്ക് ഉണ്ണാനായി വീട്ടിലെത്തിയ അബ്ദുല്ല, ഭാര്യ അതുവരെ ഉറക്കം കഴിഞ്ഞ് എഴുന്നേറ്റിട്ടില്ലെന്നറിഞ്ഞ് കുലുക്കി വിളിച്ചപ്പോഴാണ് മരിച്ചതായി മനസ്സിലായത്.
പെട്ടന്ന് തന്നെ ആശുപത്രിയില് എത്തിച്ചെങ്കിലും മരിച്ചിട്ട് മണിക്കൂറുകള് കഴിഞ്ഞു എന്നാണ് ഡോക്ടര്മാര് പറഞ്ഞത്. നാട്ടില് ബിരുദ വിദ്യാര്ഥിയായ ഷഹ്സാദ്, ദമ്മാം ഇന്ത്യന് സ്കുളിലെ പ്ലസ്ടു വിദ്യാര്ഥികളും ഇരട്ടകളുമായ ഷഹ്ബാസ് ഷംനാസ് എന്നിവര് മക്കളാണ്.
https://www.facebook.com/Malayalivartha
