ലാലേട്ടാ, യുഎഇയിലെത്തുമ്പോള് ഞങ്ങളെയൊക്കെ ഒന്ന് കാണാന് വരാമോ? അബുദാബിയിലെ നഴ്സുമാരുമായി കൂടിക്കാഴ്ച നടത്തി
യുഎഇയിലെ കോവിഡ് മുന്നണിപ്പോരാളികള്ക്ക് നല്കിയ വാക്ക് സൂപ്പര്താരം മോഹന്ലാല് മറന്നില്ല. 'ലാലേട്ടാ, യുഎഇയിലെത്തുമ്ബോള് ഞങ്ങളെയൊക്കെ ഒന്ന് കാണാന് വരാമോ', എന്ന ആഗ്രഹം അന്ന് പങ്കുവച്ച രജിസ്ട്രേഡ് നഴ്സ് സോണിയ ചാക്കോയ്ക്കും സഹപ്രവര്ത്തകര്ക്കും വന് സര്െ്രെപസൊരുക്കി മോഹന്ലാല് അവരെ നേരില് കാണാനെത്തി. മോഹന്ലാല് വരുമോ ഇല്ലയോ എന്ന ചോദ്യം അപ്രസക്തമാക്കിയായിരുന്നു ആരോഗ്യപ്രവര്ത്തകരെ നേരില് കാണാനുള്ള അബുദാബിയിലേക്കുള്ള മോഹന്ലാലിന്റെ മാസ് എന്ട്രി. താരപരിവേഷമില്ലാതെ മുന്നണിപ്പോരാളികളുടെ വിശേഷങ്ങളും അനുഭവങ്ങളും കേട്ടും അവര്ക്ക് പ്രചോദനമാകുന്ന വാക്കുകള് പറഞ്ഞും മോഹന്ലാല് അവര്ക്കൊപ്പം സമയം ചെലവഴിച്ചു.
യുഎഇയിലെ മുന്നണിപ്പോരാളികള്ക്ക് ഹൃദയസ്പര്ശിയായ ആദരവൊരുക്കാന് അബുദാബിയിലെ വിപിഎസ്ബുര്ജീല് മെഡിക്കല് സിറ്റിയിലാണ് മലയാളത്തിന്റെ സൂപ്പര്സ്റ്റാര് എത്തിയത്. മെഡിക്കല് സിറ്റിയിലെ മുന്നണിപ്പോരാളികളെ സന്ദര്ശിച്ച താരം കൊറോണ വൈറസിനെതിരായ പോരാട്ടത്തിലെ ആരോഗ്യപ്രവര്ത്തകരുടെ നിരന്തരമായ സേവനത്തിന് നന്ദി രേഖപ്പെടുത്തുകയും ചെയ്തു. 'എത്രയും വേഗം മഹാമാരി മാറട്ടെയെന്ന് പ്രതീക്ഷിക്കാം. ആരോഗ്യപ്രവര്ത്തകര് അനുഭവിക്കുന്ന വെല്ലുവിളികള് നേരിട്ടറിയാവുന്ന ആളാണ് ഞാന്. അവര്ക്ക് പ്രേരണ നല്കാനായി കഴിഞ്ഞ വര്ഷം സംസാരിക്കാന് ആയതില് സന്തോഷമുണ്ട്. വരാമെന്ന് അവര്ക്ക് നല്കിയ ഉറപ്പ് സാധിച്ചു തന്നതിന് ദൈവത്തിന് നന്ദി. ആരോഗ്യപ്രവര്ത്തകരുടെ ധൈര്യത്തെയും ത്യാഗങ്ങളെയും അഭിനന്ദിക്കുന്നു, എന്റെ ഹൃദയത്തിന്റെ അടിത്തട്ടില് നിന്ന് നിങ്ങള്ക്ക് നന്ദി. ഇതുപോലൊരു ചടങ്ങില് പങ്കെടുക്കാനായത് ഭാഗ്യമായി കരുതുന്നു,' മുന്നണിപ്പോരാളികളോട് മോഹന്ലാല് പറഞ്ഞു.
മോഹന്ലാലുമായി നഴ്സസ് ഡേയില് ഫോണിലൂടെ സംസാരിച്ച വിവിധ എമിറേറ്റുകളിലെ നഴ്സുമാര് അദ്ദേഹത്തെ കാണാനുള്ള ക്ഷണം സ്വീകരിച്ച് ബുര്ജീല് മെഡിക്കല് സിറ്റിയില് എത്തിയിരുന്നു. മറ്റുള്ളവര് ഓണ്ലൈനായും പങ്കെടുത്തു. ആരോഗ്യപ്രവര്ത്തകരുമായി കൂടിക്കാഴ്ചയ്ക്ക് അവസരം ഒരുക്കിയതിന് വിപിഎസ് ഹെല്ത്ത്കെയര് ചെയര്മാനും മാനേജിംഗ് ഡയറക്ടറുമായ ഡോ. ഷംഷീര് വയലിലിന് മോഹന്ലാല് നന്ദി പറഞ്ഞു.
https://www.facebook.com/Malayalivartha
