ഗര്ഭിണിയായ പൂച്ചയെ രക്ഷിച്ച മലയാളികളടക്കം നാല് പ്രവാസികള്ക്ക് ദുബായ് ഭരണാധികാരിയുടെ വക സമ്മാനം?
ദുബായില് കെട്ടിടത്തില് കുടുങ്ങിയ ഗര്ഭിണിയായ പൂച്ചയെ രക്ഷപ്പെടുത്തിയ മലയാളികളടക്കം നാല് പ്രവാസികള്ക്ക് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് അല്റാഷിദ് അല് മക്തൂമിന്റെ കിടിലന് സമ്മാനം. കോഴിക്കോട് വടകര സ്വദേശി അബ്ദുല് റാഷിദ്, ആര്ടിഎ ഡ്രൈവറായ കോതമംഗലം സ്വദേശി നാസിര് മുഹമ്മദ്, മൊറോക്കന് സ്വദേശി അഷ്റഫ്, പാകിസ്ഥാനി ആതിഫ് മഹ്മൂദ് എന്നിവര്ക്കാണ് 50,000 ദിര്ഹം(10 ലക്ഷം രൂപ) വീതം സമ്മാനമായി നല്കിയത്.
ബുധനാഴ്ച രാത്രി ഭരണാധികാരിയുടെ ഓഫീസില് നിന്ന് ഉദ്യോഗസ്ഥന് നേരിട്ടെത്തിയാണ് ഇവര്ക്ക് പാരിതോഷികം കൈമാറിയത്. ഈ മാസം 24ന് രാവിലെ ദേര അല് മറാര് പ്രദേശത്തായിരുന്നു സംഭവം നടന്നത്. കെട്ടിടത്തിന്റെ മുകള് നിലയില് കുടുങ്ങിയ ഗര്ഭിണിയായ പൂച്ചയെ ഇവര് രക്ഷപ്പെടുത്തുകയായിരുന്നു. ഇതിന്റെ വിഡിയോ ദൃശ്യങ്ങള് സമൂഹമാധ്യമങ്ങളില് പ്രചരിച്ചിരുന്നു.
https://www.facebook.com/Malayalivartha
