കുവൈത്തില്‍ നിയമംലംഘിച്ച് കഴിയുന്നവര്‍ ഒന്നര ലക്ഷത്തിന് മുകളിലെന്ന് റിപ്പോര്‍ട്ട്. പലതവണ അവസരം നല്‍കിയിട്ടും പ്രയോജനപ്പെടുത്താതെ അനധികൃതമായി രാജ്യത്ത് തങ്ങുന്നവരോട് ഇനി ദയ കാണിക്കേണ്ടെന്നാണ് ആഭ്യന്തര മന്ത്രാലയത്തിന്റെ തീരുമാനം.

ഇനിയും അവസരം നല്‍കിയാലും ഇത്തരക്കാര്‍ സ്വയം തിരിച്ചുപോകാന്‍ തയാറാകില്ലെന്നാണ് അധികൃതരുടെ നിഗമനം.രാജ്യത്തിന്റെ മുക്കുമൂലകളില്‍ പരിശോധന നടത്തി അനധികൃത താമസക്കാരെ പിടികൂടി തിരിച്ചുവരാന്‍ കഴിയാത്ത വിധം വിരലടയാളമെടുത്ത് നാടുകടത്തും. കോവിഡ് പ്രതിസന്ധി ഒഴിഞ്ഞാല്‍ പ്രത്യേക സംഘം രൂപവത്കരിച്ച് ആസൂത്രണത്തോടെ പഴുതടച്ച പരിശോധന നടത്താനാണ് പരിപാടി.