കേരളീയ പ്രവാസി അംജദ് സിത്താരയുടെ ഭാര്യ മർജാന അംജദിന് തന്റെ ഇരുപത്തിനാലാം ജന്മദിനം ഒരിക്കലും മറക്കാൻ പറ്റില്ല. കാരണം മർജാനയ്ക്ക് ഭർത്താവ് നൽകിയത് അവൾ ഏറെ കൊതിച്ചിരുന്ന ബെസ്‌പോക്ക് കാർ ആയിരുന്നു... ഇനി ആ കാർ സമ്മാനിച്ചതിനും ഉണ്ട് സസ്പെൻസ്

പിറന്നാൾ ദിനത്തിൽ വെള്ളയും ചുവപ്പും നിറത്തിലുള്ള കറുത്ത റിബൺ കെട്ടിയ ഒരു കൂറ്റൻ സമ്മാനപ്പെട്ടിയാണ് അവൾക്ക് ലഭിച്ചത് ..അതിൽ "ജന്മദിനാശംസകൾ ...എന്റെ അളവറ്റ സ്നേഹം ... എനിക്ക് ഏറെ വിലപ്പെട്ടതാക്കിയ ഓരോ നിമിഷത്തിനും നന്ദി ... ഒരുപാട് സ്നേഹത്തോടെ, അംജദ് സിത്താര" എന്ന് ആ ബോക്സിൽ എഴുതിയിരുന്നു.

അവർ ഇൻസ്റ്റാഗ്രാമിൽ പങ്കുവെച്ച ഫോട്ടോയിൽ അംജദ് മർജനയെ പൂച്ചെണ്ട് നൽകി സ്വാഗതം ചെയ്യുന്നതും പെട്ടി തുറക്കാൻ ക്ഷണിക്കുന്നതും കാണാം... അവർ ഒരുമിച്ച് പെട്ടി തുറന്നപ്പോൾ, ചുവപ്പും കറുപ്പും ബലൂണുകൾ കൊണ്ട് അലങ്കരിച്ച ബെസ്‌പോക്ക് കാർ കണ്ട മർജന ശരിക്കും അത്ഭുതപ്പെടുന്നുണ്ട് .

1.6 മില്യൺ ദിർഹം വിലയുള്ളതാണ് ഈ റോൾസ് റോയ്സ് റെയ്ത്ത് ബ്ലാക്ക് ബാഡ്ജ് കാർ .

കേരളീയ പ്രവാസിയായ അംജദ് സിത്താര ബിസിസി ഗ്രൂപ്പിന്റെ സ്ഥാപകനും സിഇഒയുമാണ് .. ഭാര്യ മർജാന അംജദിന്റെ ജന്മദിനമായ ഒക്ടോബർ 2 ന് ആണ് ഈ വിലയേറിയ സമ്മാനം തന്റെ പ്രിയതമയ്ക്ക് അംജദ് നൽകിയത് ...

കഴിഞ്ഞ പത്തുവർഷത്തിനുള്ളിൽ യുഎഇയിലെ മാനവശേഷി വിതരണ മേഖലയിൽ മുൻനിരയിൽ നിൽക്കുന്ന ഒന്നാണ് ബി സി സി ഗ്രൂപ്പ് ... കോവിഡ് -19 മൂലം മരണമടഞ്ഞ ജീവനക്കാരുടെ കുടുംബങ്ങളെ സാമ്പത്തികമായി പിന്തുണയ്ക്കുന്നതിനും പകർച്ചവ്യാധി മൂലം ഇവിടെ കുടുങ്ങിക്കിടക്കുന്ന വിസ ഉടമകൾക്ക് ജോലി നൽകുന്നതിനും ബി സി ഗ്രൂപ്പ് ശ്രമിച്ചിരുന്നു

ബിസിസി ഗ്രൂപ്പിന്റെ ചീഫ് ഓപ്പറേറ്റിംഗ് ഓഫീസറാണ് മർജന. സെപ്റ്റംബർ 5 നാണ് അവർ അവരുടെ മകൾ അയ്ര മാലികയ്ക്ക് ജന്മം നൽകിയത്.

തന്റെ ഭാര്യ ഒരു പെൺകുഞ്ഞിനെ സമ്മാനമായി നൽകിയപ്പോൾ, അവളുടെ താൻ ജന്മദിനത്തിൽ എന്തെങ്കിലും പ്രത്യേകതയുള്ള വിലയേറിയ സമ്മാനം നൽകാൻ ഞാൻ ആഗ്രഹിച്ചു. അങ്ങനെയാണ് ഈ കാർ വാങ്ങിയത് എന്നാണ് മർജാന ഇൻസ്റ്റാഗ്രാമിൽ പങ്കുവെച്ച വീഡിയോയിൽ പറയുന്നത് .കാറിനു മുന്നിൽ മകളുമായി നിൽക്കുന്ന ഫോട്ടോയും അംജദ് പങ്കുവെച്ചിട്ടുണ്ട്