ചങ്ങരംകുളത്ത് തിളച്ച വെള്ളം വീണ് പൊള്ളലേറ്റ പിഞ്ചുകുഞ്ഞ് മരിച്ചു, അച്ഛനും രണ്ടു മക്കളും ആശുപത്രിയില്
ചങ്ങരംകുളത്ത് തിളച്ച വെള്ളം വീണ് പൊള്ളലേറ്റ പിഞ്ചുകുഞ്ഞ് മരിച്ചു. തിളച്ചവെള്ളം അടുപ്പില്നിന്നിറക്കവേയാണ് അച്ഛന് വഴുതിവീണത്. കൈയ്യില് നിന്ന് തിളച്ചവെള്ളം തെറിച്ചുവീണാണ് പിഞ്ചുകുഞ്ഞ് മരിച്ചത്. കൂടെയുണ്ടായിരുന്ന രണ്ടു കുട്ടികള്ക്കും അച്ഛനും പൊള്ളലേറ്റു. ഇവര് ആശുപത്രിയില് ചികിത്സയില് കഴിയുന്നു.
ചങ്ങരംകുളം തെക്കേപ്പുരയ്ക്കല് ബാബുവിന്റെയും സരിതയുടെയും മകന് അമന് എസ്. ബാബു ആണ് കോഴിക്കോട് സ്വകാര്യ ആശുപത്രിയില് മരിച്ചത്. ബാബു, മക്കളായ അലന്, അനുദീബ് എന്നിവരാണ് ആശുപത്രിയിലുള്ളത്. ഇക്കഴിഞ്ഞ ചൊവ്വാഴ്ച ഉച്ചയോടെയാണ് അപകടം നടന്നത്.
തിളച്ചവെള്ളം അടുപ്പില് നിന്നിറക്കുന്നതിനിടെ ബാബു തറയില് കുഞ്ഞിന്റെ മൂത്രത്തില്ച്ചവുട്ടി വഴുതി വീണു. കൈയിലിരുന്ന പാത്രത്തില് നിന്നു തിളച്ചവെള്ളം ബാബുവിന്റെയും മക്കളുടെയും ദേഹത്തേക്കു തെറിച്ചു. അയല്ക്കാര് ഇവരെ ഉടന് തന്നെ ചങ്ങരംകുളം, തൃശ്ശൂര് ആശുപത്രികളിലെത്തിച്ചശേഷമാണ് കോഴിക്കോട്ടേക്കു മാറ്റിയത്.
ഗുരുതരമായി പൊള്ളലേറ്റ അമന് ശനിയാഴ്ച മരിച്ചു. ആശാരിപ്പണിക്കാരനാണ് ബാബു. സരിത ജലസേചനവകുപ്പിലെ ജോലിക്കാരിയും. ചിയാന്നൂരിലെ വാടകവീട്ടിലാണു താമസം.
"
https://www.facebook.com/Malayalivartha