കുവൈത്തില് കൂടുതല് നിയന്ത്രണങ്ങള് നീക്കുന്നു; തുറസായ പൊതു സ്ഥലങ്ങളില് ഇനി മാസ്ക് ധരിക്കല് നിര്ബന്ധമില്ല
കുവൈത്തില് കൂടുതല് നിയന്ത്രണങ്ങള് നീക്കുന്നു. തുറസായ പൊതു സ്ഥലങ്ങളില് ഇനി മാസ്ക് ധരിക്കല് നിര്ബന്ധമില്ല. എന്നാല് അടച്ചിട്ട സ്ഥലങ്ങളില് തുടര്ന്നും മാസ്ക് വേണം. റസ്റ്റോറന്റുകളിലും കഫേകളിലും ഇനി മാസ്ക് ധരിക്കേണ്ടതില്ല.
വിവാഹ ചടങ്ങുകളിലും മറ്റ് പൊതുപരിപാടികളിലും വാക്സിനെടുത്തവര്ക്ക് പങ്കെടുക്കാം. എന്നാല് ഇവിടങ്ങളില് മാസ്ക് ധരിക്കേണ്ടത് നിര്ബന്ധമാണ്. മന്ത്രിസഭാ യോഗത്തിലാണ് ഇളവുകള് അനുവദിക്കുന്നത് സംബന്ധിച്ച തീരുമാനമുണ്ടായത്. ക്രമാനുഗതമായി സാധാരണ നിലയിലേക്ക് മടങ്ങിവരുന്നതിന്റെ അഞ്ചാം ഘട്ടത്തില് പുതിയ ഇളവുകള് അനുവദിച്ചുകൊണ്ട് പ്രധാനമന്ത്രി ശൈഖ് സബാഹ് അല് ഖാലിദ് അല് ഹമദ് അല് സബാഹാണ് പ്രഖ്യാപനം നടത്തിയത്.
https://www.facebook.com/Malayalivartha