കുവൈത്തിലേക്ക് തൊഴിലാളികളെ റിക്രൂട്ട് ചെയ്യുന്ന ഓട്ടമേറ്റഡ് സംവിധാനം പുനരാരംഭിക്കുന്നു. വിസാ കച്ചവടവും തട്ടിപ്പും ഉള്‍പ്പെടെ തടയുന്നതാണ് പദ്ധതി. ഈ സംവിധാനത്തിന് നേരത്തെ തുടക്കം കുറിച്ചതാണെങ്കിലും കോവിഡ് പശ്ചാത്തലത്തില്‍ നിര്‍ത്തിവച്ചിരുന്നു.

വലിയതോതില്‍ റിക്രൂട്ട്‌മെന്റ് നടത്താറുള്ള ഇന്ത്യ, ഈജിപ്ത് തുടങ്ങിയ രാജ്യങ്ങളുമായാണ് ആദ്യഘട്ടത്തില്‍ ഈ സംവിധാനം ഏര്‍പ്പെടുത്തുക.

വര്‍ക്ക് പെര്‍മിറ്റ്, വിസ എന്നിവ സംബന്ധിച്ച വിവരങ്ങള്‍ ഈ സംവിധാനം വഴി കൃത്യമായി അറിയാന്‍ സാധിക്കും. കുവൈത്തില്‍ വിസ അനുവദിക്കുന്ന സ്ഥാപനത്തെക്കുറിച്ചും വിദേശത്ത് തൊഴിലാളികളെ റിക്രൂട്ട് ചെയ്യുന്ന കമ്ബനികളെക്കുറിച്ചും വിവരവും ലഭിക്കും.