ആ യാത്ര അന്ത്യയാത്രയായി..... സൗദി അറേബ്യയിലെ ദമാമില് വാഹനാപകടത്തില് മലയാളി കുടുംബത്തിലെ അഞ്ചുപേര്ക്ക് ദാരുണാന്ത്യം...
ആ യാത്ര അന്ത്യയാത്രയായി..... സൗദി അറേബ്യയിലെ ദമാമിലുണ്ടായ വാഹനാപകടത്തില് മലയാളി കുടുംബത്തിലെ അഞ്ചുപേര് മരിച്ചു. ബേപ്പൂര് സ്വദേശി പാണ്ടികശാലക്കണ്ടി മുഹമ്മദ് ജാബിര് (44), ഭാര്യ ഷബ്ന (36), മക്കളായ ലൈബ (7), സഹ് (5), ലുഫ്നി (3) എന്നിവരാണ് മരിച്ചത്.
ഇവര് സഞ്ചരിച്ചിരുന്ന കാറിന് പിന്നില് മറ്റൊരു കാര് ഇടിക്കുകയായിരുന്നു. അഞ്ചുപേരും സംഭവസ്ഥലത്തുതന്നെ മരിച്ചു. മുഹമ്മദ് ജാബിര്ടയോട്ട കാറുകളുടെ സൗദി അറേബ്യയിലെ വിതരണക്കാരായ 'അബ്ദുള് ലത്തീഫ് ജമീല് കമ്പനി'യുടെ ജുബൈല് ശാഖയില് ഫീല്ഡ് ഓഫീസറായിരുന്നു . ഒരാഴ്ച മുമ്പാണ് ജിസാനിലേക്ക് സ്ഥലംമാറ്റം കിട്ടിയത്.
താമസസ്ഥലം ശരിയാക്കിയശേഷം കുടുംബത്തോടൊപ്പം പോവുന്നതിനിടെയായിരുന്നു അപകടം നടന്നത്. വീട്ടുസാധനങ്ങള് ട്രക്കില് കയറ്റി അയച്ചതിന് പിന്നാലെ സ്വയം ഡ്രൈവ് ചെയ്ത് പോവുകയായിരുന്നു.
സാധനങ്ങള് നിശ്ചിത സ്ഥലത്ത് എത്തിയിട്ടും ജാബിര് എത്താത്തതിനെ തുടര്ന്ന് അവിടുത്തെ മലയാളികള് നടത്തിയ അന്വേഷണത്തിലാണ് അപകടം അറിയുന്നത്.
കൊവിഡിനെ തുടര്ന്ന് നാട്ടിലായിരുന്ന ജാബിര് രണ്ട് മാസം മുമ്പാണ് സൗദിയിലേക്ക് പോയത്. ഒരു മാസം മുമ്പാണ് ഭാര്യയേയും മക്കളെയും കൊണ്ടുപോയത്. മൃതദേഹങ്ങള് അല് - റെയ്ന് ആശുപത്രി മോര്ച്ചറിയില്. മൃതദേഹങ്ങള് നാട്ടിലെത്തിക്കാനുള്ള ശ്രമം തുടങ്ങി.
"
https://www.facebook.com/Malayalivartha