ആദ്യമായി മലയാളത്തില് ട്വീറ്റ് ചെയ്തത് നിമിഷനേരം കൊണ്ട് വൈറലായി.... മുഖ്യമന്ത്രി പിണറായി വിജയനുമായി 'എക്സ്പോ-2020' വേദിയില് നടത്തിയ കൂടിക്കാഴ്ചയ്ക്കുശേഷം മലയാളത്തില് ട്വീറ്റുചെയ്ത് യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം....അഭിമാനത്തോടെ ട്വീറ്റ് ഏറ്റെടുത്ത് പ്രവാസി മലയാളികള്....
മുഖ്യമന്ത്രി പിണറായി വിജയനുമായി 'എക്സ്പോ-2020' വേദിയില് നടത്തിയ കൂടിക്കാഴ്ചയ്ക്കുശേഷം മലയാളത്തില് ട്വീറ്റുചെയ്ത് യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം.
മുഖ്യമന്ത്രിയെ കാണുന്ന ചിത്രത്തിനൊപ്പമാണ് അദ്ദേഹം മലയാളത്തില് കൂടിക്കാഴ്ചയുടെ സന്തോഷം പങ്കുവെച്ചത്. ഇതാദ്യമായാണ് ശൈഖ് മുഹമ്മദ് മലയാളത്തില് ട്വീറ്റുചെയ്യുന്നത്.
''കേരള മുഖ്യമന്ത്രിയായ പിണറായി വിജയന് എക്സ്പോ 2020-ലെ കേരള വീക്കില് സ്വീകരണം നല്കിയപ്പോള്. കേരളവുമായി യു.എ.ഇ.യ്ക്ക് സവിശേഷബന്ധമാണുള്ളത്. ദുബായുടെയും യു.എ.ഇ.യുടെയും സാമ്പത്തികവും വികസനപരവുമായ അഭിവൃദ്ധിയില് കേരളീയര് പ്രധാന പങ്കുവഹിക്കുന്നുണ്ട്'' -എന്ന് ശൈഖ് മുഹമ്മദ് ട്വിറ്ററില് കുറിച്ചു. നിമിഷനേരംകൊണ്ടാണ് ട്വീറ്റ് വൈറലായത്. പ്രവാസിമലയാളികള് ഏറെ അഭിമാനത്തോടെയാണ് ട്വീറ്റ് ഏറ്റെടുത്തത്.
അതേസമയം യുഎഇ ഉപപ്രധാനമന്ത്രിയും ധനമന്ത്രിയും ദുബായ് ഉപഭരണാധികാരിയുമായ ഷെയ്ഖ് മക്തൂം ബിന് മുഹമ്മദ് ബിന് റാഷിദ് അല് മക്തൂം ഉണ്ടായിരുന്നു. കൂടാതെ എമിറേറ്റ്സ് എയര്ലൈന്സ് ഗ്രൂപ്പ് ചെയര്മാനും ദുബായ് സിവില് ഏവിയേഷന് പ്രസിഡന്റുമായ ഷെയ്ഖ് അഹ്മദ് ബിന് സഈദ് അല് മക്തൂം, ഇന്ത്യന് അംബാസഡര് സഞ്ജയ് സുധീര്, വ്യവസായ മന്ത്രി പി രാജീവ്, ലുലു ഗ്രൂപ്പ് ചെയര്മാനും അബുദാബി ചേംബര് വൈസ് ചെയര്മാനുമായ എം എ യൂസഫ് അലി, കോണ്സല് ജനറല് അമന് പുരി എന്നിവരും ചടങ്ങില് പങ്കെടുക്കാന് എത്തിയിരുന്നു.
മുഖ്യമന്ത്രി പിണറായി വിജയന് അടുത്ത ദിവസം മലയാളികളുമായി സംവദിക്കും. നോര്ക്കയുടെ ആഭിമുഖ്യത്തില് ഫെബ്രുവരി അഞ്ചിന് വൈകീട്ട് അഞ്ചിന് അല്നാസര് ലെഷര്ലാന്ഡിലാണ് കൂടിക്കാഴ്ച ഒരുക്കിയിരിക്കുന്നത്.
https://www.facebook.com/Malayalivartha
